താറാവ് കുഞ്ഞുങ്ങളെ വിതരണം ചെയ്തു

പടന്ന: മൃഗസംരക്ഷണ വകുപ്പി​ൻെറ കേരള പുനരധിവാസ ഉപജീവന പദ്ധതി പ്രകാരം പടന്ന ഗ്രാമ പഞ്ചായത്തിലെ 210 ഗുണഭോക്താക്കൾക്ക് സൗജന്യമായി താറാവ് കുഞ്ഞുങ്ങളെ നൽകി. പഞ്ചായത്ത് മെംബർ യു.കെ. മുഷ്ത്താഖ്​ അധ്യക്ഷത വഹിച്ചു. പഞ്ചായത്ത് പ്രസിഡൻറ് പി.വി. മുഹമ്മദ് അസ്​ലം താറാവ്​ കുഞ്ഞുങ്ങളുടെ വിതരണ പദ്ധതി ഉദ്ഘാടനം ചെയ്തു. പഞ്ചായത്ത് മെംബർ പവിത്രൻ, വെറ്ററിനറി സർജൻ ഡോ. ശ്രീവിദ്യ നമ്പ്യാർ എന്നിവർ സംസാരിച്ചു.