തൊഴിൽ പരിശീലന സംരംഭങ്ങൾക്ക് തുടക്കം

കാഞ്ഞങ്ങാട്: സത്യസായി ഓർഫനേജ് ട്രസ്​റ്റ്​ കേരള ജില്ല കാര്യാലയത്തിന് കീഴിൽ വിവിധ സൗജന്യ തൊഴിൽ പരിശീലന കേന്ദ്രം തുറന്നു പ്രവർത്തനം ആരംഭിച്ചു. തോയമ്മൽ ജില്ല ഓഫിസിലാണ് പി.എസ്.സി കോച്ചിങ് സെൻർ, ​ടെയ്​ലറിങ് ക്ലാസ്, ഹോമിയോ വൈബ്രോണിക് ക്യാമ്പ്, യോഗ പരിശീലനം തുടങ്ങിയ സംരംഭങ്ങൾക്ക് തുടക്കമിട്ടത്. കാഞ്ഞങ്ങാട് നഗരസഭ ചെയർപേഴ്സൻ കെ.വി. സുജാത ഉദ്​ഘാടനം ചെയ്തു. സത്യസായി ഓർഫനേജ് ട്രസ്​റ്റ്​ ജില്ല പ്രസിഡൻറ്​ ആർക്കിടെക്റ്റ് കെ. ദാമോദരൻ അധ്യക്ഷത വഹിച്ചു. നഗരസഭ വൈസ് ചെയർമാൻ ബിൽടെക് അബ്​ദുല്ല മുഖ്യപ്രഭാഷണം നടത്തി. വാർഡ് കൗൺസിലർ ജാനകികുട്ടി, മുൻ കൗൺസിലർ എം. കുഞ്ഞികൃഷ്ണൻ തുടങ്ങിയവർ സംസാരിച്ചു. സായി ട്രസ്​റ്റ്​ ജില്ല സെക്രട്ടറി ഉഷ തോയമ്മൽ സ്വാഗതവും ഭാസി അട്ടേങ്ങാനം നന്ദിയും പറഞ്ഞു.