Begin typing your search above and press return to search.
exit_to_app
exit_to_app
Posted On
date_range 2 Dec 2020 11:59 PM GMT Updated On
date_range 2 Dec 2020 11:59 PM GMTവനിത സംഗമം നടത്തി
text_fieldsbookmark_border
ചെറുവത്തൂർ: സി.പി.എമ്മിൻെറ ഇന്നത്തെ പോക്കുകണ്ടാൽ എല്ലാ കൊള്ളരുതായ്മയുടെയും പര്യായമായി മാറിയോ മാർക്സിസം എന്ന് തോന്നിപ്പോവുകയാണെന്ന് ഗാന്ധിദർശൻ വനിത വേദി സംസ്ഥാന അധ്യക്ഷ ഡോ.പി.വി.പുഷ്പജ പറഞ്ഞു. പിലിക്കോട് 16ാം വാർഡ് തെരഞ്ഞെടുപ്പ് കമ്മിറ്റിയുടെ നേതൃത്വത്തിൽ മല്ലക്കരയിൽ നടന്ന വനിത സംഗമം ഉദ്ഘാടനം ചെയ്യുകയായിരുന്നു അവർ. വാളയാറായാലും മറ്റേത് വിഷയമായാലും ഇരകൾക്ക് നീതികിട്ടാത്ത, അമ്മമാരുടെയും സഹോദരിമാരുടെയും കണ്ണീർ കാണാത്ത ഭരണമാണ് പിണറായി വിജയൻെറത്. കാഞ്ഞങ്ങാട് നെഹ്റു കോളജിൽ താനനുഭവിച്ച തിക്താനുഭവങ്ങളും നേരിട്ട പീഡനങ്ങളും വിരൽചൂണ്ടുന്നതും അതിലേക്കാണ്. ഈ അവസ്ഥക്ക് മാറ്റമുണ്ടാകാൻ സ്ത്രീകൾ അതിജാഗ്രത പാലിക്കണമെന്നും അവർ ആവശ്യപ്പെട്ടു. തെരഞ്ഞെടുപ്പ് കമ്മിറ്റി ചെയർമാൻ പി.കെ. വിനയകുമാർ അധ്യക്ഷത വഹിച്ചു. കെ.പി.സി.സി നിർവാഹക സമിതി അംഗം പി.കെ. ഫൈസൽ, മണ്ഡലം കോൺഗ്രസ് പ്രസിഡൻറും ഒന്നാം വാർഡ് സ്ഥാനാർഥിയുമായ കെ. നവീൻ ബാബു, ബ്ലോക്ക് പഞ്ചായത്ത് പിലിക്കോട് ഡിവിഷൻ സ്ഥാനാർഥി രമ രാജൻ, പതിനാറാം വാർഡ് സ്ഥാനാർഥി എം.വി. യശോദ, മറ്റു വാർഡുകളിലെ സ്ഥാനാർഥികളായ ഒ.കെ. നാരായണി, കെ.കുഞ്ഞികൃഷ്ണൻ, എൻ. ദാമോദരൻ, ടി. രത്നാകരൻ, ടി.വി. സുരേഷ് എന്നിവർ സംസാരിച്ചു. തൃക്കരിപ്പൂർ ബ്ലോക്ക് കോൺഗ്രസ് സെക്രട്ടറി ടി. ധനഞ്ജയൻ മാസ്റ്റർ വിഷയാവതരണം നടത്തി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story