'സ്​ഥാനാർഥിയെ ആക്രമിച്ചത് പ്രതിഷേധാർഹം'

കാസർകോട്: തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പിൽ ബി.ജെ.പിയുമായി രഹസ്യ ധാരണയുണ്ടാക്കി വിജയിക്കാനുള്ള ശ്രമം വിലപ്പോവില്ലെന്ന് മനസ്സിലാക്കിയ സി.പി.എം യു.ഡി.എഫ് സ്ഥാനാർഥികളെയടക്കം അകാരണമായി ആക്രമിച്ച് കൊലപ്പെടുത്താൻ ശ്രമിച്ച സംഭവം അത്യന്തം പ്രതിഷേധാർഹമാണെന്ന് മുസ്​ലിം ലീഗ് ജില്ല ജനറൽ സെക്രട്ടറി എ. അബ്​ദുറഹ്മാൻ. കാഞ്ഞങ്ങാട് നഗരസഭയിലെ 41ാം വാർഡിലെ യു.ഡി.എഫ് സ്ഥാനാർഥിയായ എച്ച്. റഷീദിനെ ഇരുട്ടി​ൻെറ മറവിൽ വധിക്കാൻ ശ്രമിച്ചത് അക്രമരാഷ്​ട്രീയത്തി​ൻെറ പാതയിൽ നിന്നും അവർ പിന്മാറിയിട്ടില്ലെന്നതി​ൻെറ തെളിവാണ്. ഭരണത്തി​ൻെറ തണലിൽ സ്ഥാനാർഥികളെ ആക്രമിച്ചു കൊലപ്പെടുത്താനും തെരഞ്ഞെടുപ്പ് അട്ടിമറിക്കാനുമുള്ള ശ്രമം സി.പി.എം ഉപേക്ഷിച്ചില്ലെങ്കിൽ ജനങ്ങളിൽ നിന്നും കനത്ത തിരിച്ചടി നേരിടേണ്ടിവരുമെന്ന് അദ്ദേഹം പറഞ്ഞു.