കരിന്തളം ബാങ്ക്​ നെൽകൃഷിയിൽ നൂറുമേനി വിളവ്

നീലേശ്വരം: വർഷങ്ങളായി തരിശു കിടന്ന മണ്ണുംപാറയും ഇഴകിച്ചേർന്ന സ്ഥലത്ത് കരനെൽ കൃഷിയിലൂടെ നൂറുമേനി വിളവെടുപ്പ്. നീലേശ്വരം ബ്ലോക്ക് ഖാദിഗ്രാമ വ്യവസായ സംഘത്തി​ൻെറ ഉടമസ്ഥതയിലുള്ള സ്ഥലത്താണ് കരിന്തളം സർവിസ് സഹകരണ ബാങ്കി​ൻെറ നേതൃത്വത്തിൽ കൃഷിയിറക്കിയത്. വർഷങ്ങൾക്കു മുമ്പ് ഓട്- ഇഷ്​ടിക ഫാക്ടറിക്ക് വേണ്ടി നിർമാണം പൂർത്തീകരിച്ച സ്ഥലമാണ്. ഇപ്പോൾ പുകക്കുഴൽ മാത്രമാണ് ഇവിടെ ഉള്ളത്. രണ്ട് ഏക്കർ സ്ഥലത്ത്​ കരനെല്ലും ശേഷിക്കുന്ന സ്ഥലത്ത്​ തുവര, വെണ്ട, പച്ചമുളക്, കുമ്പളം, മത്തൻ എന്നിവയും കൃഷി ചെയ്തു. പരപ്പ ബ്ലോക്ക് പഞ്ചായത്ത് വികസന സ്​റ്റാൻഡിങ്​ കമ്മിറ്റി ചെയർമാൻ വി. സുധാകരൻ കൊയ്​ത്തുത്സവം ഉദ്ഘാടനം ചെയ്തു. കെ. ലക്ഷ്മണൻ അധ്യക്ഷത വഹിച്ചു. പി. ചന്ദ്രൻ, പാറക്കോൽ രാജൻ, കെ. ഗംഗാധരൻ, വി. അജിത, വി. മധുസൂദനൻ എന്നിവർ സംസാരിച്ചു.