മത്സ്യത്തൊഴിലാളിക്ക്​ വീടൊരുക്കി നൽകി

കാഞ്ഞങ്ങാട്: നിർധന കുടുംബാംഗമായ മത്സ്യത്തൊഴിലാളിക്ക്​ ഡി.വൈ.എഫ്​.ഐ വീട്​ നിർമിച്ചു​ നൽകി. 2013 സര്‍ക്കാര്‍ മത്സ്യത്തൊഴിലാളികള്‍ക്കായി അനുവദിച്ച വീട് സാമ്പത്തിക ബുദ്ധിമുട്ട് കാരണം പൂര്‍ത്തീകരിക്കാന്‍ കഴിയാതെവന്ന അജാനൂരിലെ മുല്ലയ്​ക്കാണ്​ ഡി.വൈ.എഫ്​.ഐ വീട്​ പണി പൂർത്തീകരിച്ച്​ നൽകിയത്​. അജാനൂര്‍ പ്രവാസി കൂട്ടായ്മയും നാട്ടുകാരും ചേര്‍ന്ന് എട്ടുലക്ഷം രൂപ ചെലവഴിച്ച് നിര്‍മിച്ച വീടി​ൻെറ താക്കോല്‍ദാനം എം. രാജഗോപാലന്‍ എം.എൽ.എ നിര്‍വഹിച്ചു. ബ്രാഞ്ച് സെക്രട്ടറി കെ.എ. മണികണ്ഠന്‍ അധ്യക്ഷത വഹിച്ചു. കാറ്റാടി കുമാരന്‍, എം.കെ. കമലാക്ഷന്‍, പ്രിയേഷ് കാഞ്ഞങ്ങാട്, വിപിന്‍ കാറ്റാടി, പാര്‍വതി നാരായണന്‍, സന്തോഷ് കാറ്റാടി എന്നിവര്‍ സംബന്ധിച്ചു. പി. സന്ദീപ് സ്വാഗതം പറഞ്ഞു.