എംബ്രോയ്​ഡറി വർക്കുമായി ജുമാന തിരക്കിലാണ്

ചെറുവത്തൂർ: യുട്യൂബിനെ ഗുരുവാക്കി എംബ്രോയ്​ഡറിയിൽ ഹൂപ് ആർട്ട് എന്ന സാങ്കേതിക മികവ് വശമാക്കിയ ജുമാന ഇപ്പോൾ തിരക്കിലാണ്. പിലിക്കോട് ചന്തേരയിലെ മുഹമ്മദ് കുഞ്ഞി -കുഞ്ഞിബി ദമ്പതികളുടെ മകളായ ജുമാന ലോക്ഡൗൺ കാലത്താണ് കൈത്തൊഴിലിലൂടെ കരകൗശല നിർമാണം സ്വായത്തമാക്കിയത്. പിലാത്തറ സൻെറ്​ ജോസഫ്സ്​ കോളജിൽ നിന്നും ബി.ബി.എ പഠനം പൂർത്തിയാക്കിയ ജുമാനക്ക് ഇപ്പോൾ ഇത് വരുമാനമാർഗം കൂടിയാണ്. അറബിക് കാലിഗ്രഫി, പേപ്പർ ക്രാഫ്റ്റ്, ഗിഫിറ്റ് ഹാംപർ എന്നിവയാണ് പ്രധാനമായും ചെയ്യുന്നത്. എംബ്രോയ്​ഡറി ഹൂപ് ആർട്ടിനാണ് ആവശ്യക്കാർ കൂടുതൽ. എംബ്രോയ്​ഡറിക്കുവേണ്ടി എംബ്രോയ്​ഡറി റിങ്, ഫാബ്രിക്, സൂചി, നൂൽ എന്നിവയടക്കം 150 രൂപ ചെലവുവരും. വലിയ ലാഭമില്ലാതെയാണ് ആവശ്യക്കാർക്ക് നൽകാറ്. ദിവസേന ഓർഡറുകൾ എത്തുന്നു​െണ്ടന്ന് ജുമാന പറഞ്ഞു. കെഫി സിഗ്​നേചർ എന്ന പേരിൽ ഇൻസ്​റ്റഗ്രാമിൽ പേജുമുണ്ട്. പടം: chr Juamana1 2 ജുമാന എംബ്രോയ്​ഡറി ഹൂപ് ആർട്ടിൽ