കൊടിയമ്മയിൽ മരപ്പണിശാലക്ക്​ തീപിടിച്ചു; നാലുലക്ഷം രൂപയുടെ നഷ്​ടം

കുമ്പള: കൊടിയമ്മയിൽ മരപ്പണിശാലക്ക്​ തീപിടിച്ച് മരങ്ങൾ കത്തിനശിച്ചു. ബംബ്രാണ മാക്കൂറിലെ രാകേഷി​ൻെറ ഉടമസ്​ഥതയിലുള്ള മരപ്പണിശാലക്കാണ് തിങ്കളാഴ്ച വെളുപ്പിന് തീപിടിച്ചത്. പ്ലാവ് കൊണ്ടുള്ള രണ്ട് വലിയ വാതിലുകളും മര ഉരുപ്പടികളും പണിസാമഗ്രികളുമാണ് കത്തിനശിച്ചത്. രാത്രി മൂന്നുമണിയോടെ ഈവഴി വന്ന യാത്രക്കാരാണ് പണിശാലയിൽനിന്നും പുക ഉയരുന്നതുകണ്ട് വിവരം നാട്ടുകാരെയും പൊലീസിനെയും അറിയിച്ചത്. അഗ്​നിശമന സേനയെത്തിയാണ് തീയണച്ചത്. വൈദ്യുതി ഷോർട്ട് സർക്യൂട്ടാണ് തീപിടിത്തത്തിന് കാരണമെന്ന് കരുതുന്നു. തൊട്ടടുത്ത മുറികളിൽ വിവിധ സ്​ഥലങ്ങളിൽ നിന്നും കൊണ്ടുവന്ന കട്ടില, ജനൽ തുടങ്ങി പതിനാലുലക്ഷത്തോളം രൂപയുടെ മരങ്ങൾ യാത്രക്കാരുടെ തക്കസമയത്തെ ഇടപെടൽകൊണ്ട് തീപടരാതെ അവശേഷിച്ചു.