Begin typing your search above and press return to search.
exit_to_app
exit_to_app
Posted On
date_range 8 Sep 2020 11:58 PM GMT Updated On
date_range 8 Sep 2020 11:58 PM GMTജീവകാരുണ്യ പദ്ധതി ഉദ്ഘാടനം
text_fieldsbookmark_border
കാസർകോട്: ജില്ലയില് ആതുരസേവനത്തിന് ദുബൈ കെ.എം.സി.സി ജില്ല കമ്മിറ്റി നടപ്പാക്കുന്ന ഹിമായ ജീവകാരുണ്യ പദ്ധതിയുടെ ഉദ്ഘാടനം സെപ്റ്റംബർ ഒമ്പതിന് വൈകീട്ട് മൂന്നിന് കാസർകോട് സിറ്റി ടവർ ഹോട്ടൽ ഓഡിറ്റോറിയത്തിൽ മുസ്ലിം ലീഗ് ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി എം.പി നിർവഹിക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. പത്തുലക്ഷം രൂപയാണ് ഹിമായ പദ്ധതിയിലൂടെ ആദ്യഘട്ടം നൽകുന്നത്. ഹൃദയരോഗം, വൃക്കരോഗം, കാൻസർ എന്നിവമൂലം പ്രയാസം അനുഭവിക്കുന്നവരെ സഹായിക്കാൻ വേണ്ടിയാണ് പദ്ധതി. 100 പേർക്കാണ് സഹായം നൽകുന്നത്. മുസ്ലിം ലീഗ് കാസർകോട് ജില്ല കമ്മിറ്റി മുഖേന നടപ്പാക്കുന്ന പദ്ധതിയിൽ വിവിധ പഞ്ചായത്ത്, മുനിസിപ്പൽ, മണ്ഡലം കമ്മിറ്റികൾ ശിപാർശ ചെയ്ത രോഗികൾക്കാണ് പദ്ധതിയുടെ ഗുണം ലഭിക്കുക. വാർത്തസമ്മേളനത്തിൽ ജില്ല പ്രസിഡൻറ് അബ്ദുല്ല ആറങ്ങാടി, ട്രഷറർ ടി.ആർ. ഹനീഫ മേൽപറമ്പ, വൈസ് പ്രസിഡൻറുമാരായ റഷീദ് ഹാജി കല്ലിങ്കാൽ, സലിം ചേരങ്കൈ, സെക്രട്ടറി അഷ്റഫ് പാവൂർ എന്നിവർ പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story