Begin typing your search above and press return to search.
exit_to_app
exit_to_app
Posted On
date_range 4 Sep 2020 11:58 PM GMT Updated On
date_range 4 Sep 2020 11:58 PM GMTഎം.എല്.എയുടെ നേതൃത്വത്തില് എക്സിക്യൂട്ടിവ് എൻജിനീയറെ ഉപരോധിച്ചു
text_fieldsbookmark_border
കാസര്കോട്: ജില്ലയില് ഉദ്യോഗസ്ഥരുടെ അഭാവംമൂലം വിവിധ വികസന പ്രവര്ത്തനങ്ങള് മുടങ്ങിക്കിടക്കുന്നതില് പ്രതിഷേധിച്ച് എന്.എ. നെല്ലിക്കുന്ന് എം.എല്.എയുടെ നേതൃത്വത്തില് ജനപ്രതിനിധികള് ജില്ല പഞ്ചായത്തിലെ എല്.എസ്.ജി.ഡി വിഭാഗം എക്സിക്യൂട്ടിവ് എൻജിനീയറെ ഉപരോധിച്ചു. വെള്ളിയാഴ്ച രാവിലെ 11 മണിയോടെയായിരുന്നു ഉപരോധം. ജില്ലയില് നിരവധി ഉദ്യോഗസ്ഥരുടെ തസ്തിക ഒഴിഞ്ഞുകിടക്കുകയാണ്. ഇതുമൂലം ഫയലുകള് കെട്ടിക്കിടക്കുന്നതിനാല് പല വികസന പ്രവര്ത്തനങ്ങളും പൂര്ത്തിയാവുന്നില്ല. ഉദ്യോഗസ്ഥരുടെ അഭാവംമൂലം മറ്റു 13 ജില്ലകളെ അപേക്ഷിച്ച് കാസര്കോട് ജില്ല വികസന കാര്യത്തില് പിന്നാക്കം നില്ക്കുകയാണ്. ഇതില് പ്രതിഷേധിച്ചായിരുന്നു ജനപ്രതിനിധികളുടെ ഉപരോധം. എല്.എസ്.ജി.ഡി കാസര്കോട് ഓഫിസ്, സബ് ഡിവിഷന് ഓഫിസുകള്, സെക്ഷന് ഓഫിസുകള് എന്നിവിടങ്ങളിലും വിവിധ ഒഴിവുകളാണുള്ളത്. വിവിധ വികസന പദ്ധതികളുടെ ഫയലുകള് ചുവപ്പുനാടയില് കുരുങ്ങിക്കിടക്കുന്നതുമൂലം ജനങ്ങള് ദുരിതമനുഭവിക്കുന്നുണ്ടെന്നും ജനപ്രതിനിധികള് ചൂണ്ടിക്കാട്ടി. കാസര്കോട് ബ്ലോക്ക് പഞ്ചായത്ത് പ്രസിഡൻറ് സി.എച്ച്. മുഹമ്മദ് കുഞ്ഞി ചായിൻറടി, ചെങ്കള പഞ്ചായത്ത് പ്രസിഡൻറ് ഷാഹിന സലീം, ചെമ്മനാട് പഞ്ചായത്ത് പ്രസിഡൻറ് കല്ലട്ര അബ്ദുല്ഖാദര്, മൊഗ്രാല്പുത്തൂര് പഞ്ചായത്ത് പ്രസിഡൻറ് എ.എ. ജലീല്, ബദിയടുക്ക പഞ്ചായത്ത് പ്രസിഡൻറ് കെ.എന്. കൃഷ്ണഭട്ട്, മധൂര് പഞ്ചായത്ത് പ്രസിഡൻറ് മാലതി സുരേഷ്, കുമ്പള പഞ്ചായത്ത് പ്രസിഡൻറ് കെ. പുണ്ഡരികാക്ഷ, കുമ്പഡാജെ പഞ്ചായത്ത് പ്രസിഡൻറ് ഫാത്തിമത്ത് സുഹറ തുടങ്ങിയവര് പങ്കെടുത്തു. uparodham എൻ.എ. നെല്ലിക്കുന്ന് എം.എൽ.എയുടെ നേതൃത്വത്തിൽ നടന്ന ഉപരോധം
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story