ആനന്ദാശ്രമത്തെ പച്ചപുതപ്പിക്കാൻ മിയാവാക്കി വനം

കാഞ്ഞങ്ങാട്: വളരും. ജീവനം, ഗൃഹവനം പദ്ധതി കളിലൂടെ ഗ്രാമങ്ങൾ തോറും പ്രകൃതിജീവനത്തി​ൻെറ ബദൽ മാതൃകകൾ സൃഷ്​ടിച്ച് ശ്രദ്ധേയനായ പ്രാദേശിക കർഷക ശാസ്ത്രജ്​ഞനും പരിസ്​ഥിതി പ്രവർത്തകനുമായ ദിവാകരൻ നീലേശ്വരത്തി​ൻെറ ജില്ലയിലെ ആദ്യത്തെ മിയാവാക്കി വനത്തിനാണ് ആനന്ദാശ്രമത്തിൽ തുടക്കമിട്ടത്. ആശ്രമം വളപ്പിലെ സൗജന്യ ഹോമിയോ ക്ലിനിക്കിനടുത്തുള്ള 10 സൻെറ് സ്ഥലത്ത് ശ്രീനാരായണ ഗുരുവി​ൻെറ ജന്മനക്ഷത്ര മരമായ കടമ്പ് നട്ടുകൊണ്ട് സ്വാമി മുക്​താനന്ദ ഉദ്ഘാടനം ചെയ്​തു. ദിവാകരൻ നീലേശ്വരം, ദേശീയ അധ്യാപക അവാർഡ് ജേതാവ് ഡോ. കൊടക്കാട് നാരായണൻ, ഡോ. ഷിജു, ഡോ.മോഹനൻ, വി.കെ. ഭാസ്കരൻ മാസ്​റ്റർ, ശ്രീധരൻ എന്നിവർ സംബന്ധിച്ചു. ചുരുങ്ങിയ സ്ഥലത്ത് കൃത്രിമമായി നിർമിച്ചെടുക്കുന്ന വനമാണ് മിയാവാക്കി. പ്രശസ്ത ജാപ്പനീസ് സസ്യശാസ്ത്രജ്ഞൻ പ്രഫ. അകിറ മിയാവാക്കി 1970ൽ വികസിപ്പിച്ചെടുത്ത വനനിർമാണ മാതൃകയാണിത്. കാലാവസ്ഥ വ്യതിയാനത്തെ തടയാൻ ഇത്തരം വനങ്ങൾക്ക്​ കഴിയുമെന്നാണ്​ വിലയിരുത്തൽ. മൂന്നു വർഷംകൊണ്ട് മരങ്ങൾക്ക്​ 30 അടി ഉയരം, 20 വർഷത്തിനുള്ളിൽ 100 വർഷം പഴക്കമുള്ള മരത്തി​ൻെറ രൂപം എന്നിവയാണ്​ മിയാവാക്കിയുടെ പ്രത്യേകത. ഒരു ചതുരശ്ര മീറ്ററിൽ നാലു കുഴിയെടുത്ത് ഇലഞ്ഞി, മന്ദാരം, നീർമരുത്, മണിമരുത്, താന്നി, കരിമരം, പൂവരശ്, മഹാഗണി തുടങ്ങി നൂറ്റി അമ്പതിലധികം മരങ്ങളാണ് ആദ്യഘട്ടത്തിൽ മാത്രം നട്ടത്. miyavaki ആനന്ദാശ്രമത്തിൽ മിയാവാക്കി വനത്തിന് തുടക്കം കുറിച്ച്​ സ്വാമി മുക്​താനന്ദ തൈ നടന്നു