Begin typing your search above and press return to search.
exit_to_app
exit_to_app
Posted On
date_range 22 Aug 2020 11:58 PM GMT Updated On
date_range 22 Aug 2020 11:58 PM GMTആനച്ചാലിൽ കടവരാന്ത നഗരസഭ പൊളിച്ചുനീക്കി
text_fieldsbookmark_border
നീലേശ്വരം: ആനച്ചാൽ -കോട്ടപ്പുറം ഓർച്ച റോഡിന് സമീപത്തെ കെട്ടിടത്തിൽ അനധികൃതമായി നിർമിച്ച കടയുടെ വരാന്ത നഗരസഭ അധികൃതർ പൊളിച്ചുനീക്കി. കെട്ടിടത്തിലെ അൽ മദീന ബേക്കറിക്ക് സമീപത്തെ മറ്റൊരു മുറിയുടെ മുൻഭാഗം കൈയേറി അനധികൃതമായി നിർമാണ പ്രവൃത്തി നടത്തിയെന്ന് കണ്ടെത്തിയാണ് നഗരസഭ അധികൃതർ പൊളിച്ചുനീക്കിയത്. ശനിയാഴ്ച രാവിലെ പത്തിനാണ് നഗരസഭ ഉദ്യോഗസ്ഥർ വരാന്ത നീലേശ്വരം പൊലീസിൻെറ സാന്നിധ്യത്തിൽ പൊളിച്ചുമാറ്റിയത്. ഇതുസംബന്ധിച്ച് കെട്ടിട ഉടമക്കും കടയുടമക്കും നഗരസഭ നേരത്തേ നോട്ടീസ് നൽകിയിരുന്നെന്നും പൊളിച്ചുമാറ്റാൻ തയാറാവാത്തതുകൊണ്ടാണ് കർശന നടപടിയുമായി മുന്നോട്ടുപോവേണ്ടിവന്നതെന്ന് നഗരസഭ എൻജിനീയറിങ് വിഭാഗം അധികൃതർ വ്യകതമാക്കി. റവന്യു, ആരോഗ്യ വകുപ്പ് ഉദ്യോഗസ്ഥരും സ്ഥലത്തെത്തിയിരുന്നു. നഗരസഭ അസി.എൻജിനീയർ സി. രജീഷ്, റവന്യൂ ഇൻസ്െപക്ടർ കെ. മനോജ് എന്നിവരുടെ നേതൃത്വത്തിലാണ് നടപടി സ്വീകരിച്ചത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story