സ്നേഹബന്ധങ്ങളുടെ വിലയറിയിച്ച് 'അയനം'

ചെറുവത്തൂർ: സ്നേഹബന്ധങ്ങളുടെ വിലയറിയിക്കുന്ന അയനം ഷോർട്ട് ഫിലിം ഇന്ന് പുറത്തിറങ്ങും. അച്ചാംതുരുത്തിയിലെ ഒരുകൂട്ടം കലാകാരൻമാരാണ് ഫിലിം തയാറാക്കിയത്. അച്ഛനും മകനും തമ്മിലുള്ള സ്നേഹ ബന്ധത്തി​ൻെറ ഇതൾവിരിയുന്ന കഥയാണ് ഇതിവൃത്തം. കുഞ്ഞായിരിക്കുമ്പോൾ അച്ഛനോട് പല പ്രാവശ്യം ചോദ്യങ്ങൾ ചോദിക്കുന്ന മകൻ വളർന്ന് വലുതാകുമ്പോൾ പ്രായമായ അച്ഛ​ൻെറ ആവർത്തിച്ചുള്ള ചോദ്യങ്ങൾക്ക് മുന്നിൽ പ്രകോപിതനാകുന്നതും പിന്നീട് അച്ഛ​ൻെറ പഴയ ഡയറി പരിശോധിച്ച് കുറ്റബോധം തോന്നുന്നതുമാണ് കഥ. ചെറുവത്തൂർ പഞ്ചായത്ത് മുൻ പ്രസിഡൻറ്​ മുനമ്പത്ത് ഗോവിന്ദൻ, പ്രകാശൻ ചന്തേര, അമൽ ജോതിസ്, ആഷിക് ബാബു എന്നിവർ വേഷമിടുന്നു. പി.വി. മഹേഷ്കുമാർ രചനയും ശശിധരൻ അച്ചാംതുരുത്തി സംവിധാനവും നിർവഹിച്ചു. ചൊവ്വാഴ്ച വൈകീട്ട്​ നാലിന് പു.ക.സ ജില്ല സെക്രട്ടറി ജയചന്ദ്രൻ കുട്ടമത്ത് ഷോർട്ട് ഫിലിം പ്രകാശനം ചെയ്യും.