അ​ന​ധി​കൃ​ത മീ​ൻ​പി​ടി​ത്തം; തദ്ദേശ വള്ളങ്ങൾക്ക് ഭീഷണിയായി ഇതരസംസ്ഥാന ബോട്ടുകൾ

ചെ​റു​വ​ത്തൂ​ർ: ഇ​ത​ര സം​സ്ഥാ​ന ബോ​ട്ടു​ക​ളു​ടെ അ​ന​ധി​കൃ​ത മീ​ൻ​പി​ടി​ത്തം ത​ദ്ദേ​ശീ​യ​രാ​യ മീ​ൻ​പി​ടി​ത്ത വ​ള്ള​ങ്ങ​ൾ​ക്ക്‌ ഭീ​ഷ​ണി​യാ​വു​ന്നു. ര​ണ്ടു ബോ​ട്ടു​ക​ൾ ഒ​രു​മി​ച്ചു ന​ട​ത്തു​ന്ന പെ​യ​ർ ട്രോ​ളി​ങ്ങാ​ണ് മ​ത്സ്യ തൊ​ഴി​ലാ​ളി​ക​ൾ​ക്ക്‌ പ്ര​തി​കൂ​ല​മാ​കു​ന്ന​ത്‌.

നി​യ​മ​വി​രു​ദ്ധ​മാ​യി ന​ട​ത്തു​ന്ന ഇ​ത്ത​രം മീ​ൻ​പി​ടി​ത്തം ചോ​ദ്യം ചെ​യ്‌​താ​ൽ വ​ള്ള​ങ്ങ​ളി​ലു​ള്ള​വ​രെ ഭീ​ഷ​ണി​പ്പെ​ടു​ത്തു​ക​യും ആ​ക്ര​മി​ക്കു​ക​യും ചെ​യ്യും. ക​ഴി​ഞ്ഞ ദി​വ​സം മം​ഗ​ളൂ​രു​വി​ൽ നി​ന്നെ​ത്തി​യ ബോ​ട്ടു​ക​ൾ ചേ​ർ​ന്ന്‌ നി​യ​മ​വി​രു​ദ്ധ​മാ​യി പെ​യ​ർ ട്രോ​ളി​ങ്‌ ന​ട​ത്തു​മ്പോ​ൾ ചോ​ദ്യം ചെ​യ്‌​ത മ​ട​ക്ക​ര​യി​ൽ നി​ന്നു​മു​ള്ള വ​ള്ള​ക്കാ​രെ ക​ട​ലി​ൽ ആ​ക്ര​മി​ച്ചി​രു​ന്നു. സം​ഭ​വമറി​ഞ്ഞ്‌ മ​റ്റു വ​ള്ള​ക്കാ​ർ എ​ത്തി​യ​തോ​ടെ​യാ​ണ്‌ ഇ​ത​ര സം​സ്ഥാ​ന ബോ​ട്ടു​ക​ൾ പി​രി​ഞ്ഞു പോ​യ​ത്‌. കോ​സ്റ്റ്ഗാ​ർ​ഡി​ന്‍റെ​യും തീ​ര​ദേ​ശ പൊ​ലീ​സി​ന്റെ​യും ഇ​ട​പെ​ട​ലു​ണ്ടാ​കാ​ത്ത​താ​ണ്‌ അ​ന​ധി​കൃ​ത മീ​ൻ​പി​ടി​ത്തം ന​ട​ക്കു​ന്ന​തെ​ന്നാ​ണ്‌ ആ​ക്ഷേ​പം.

പ്ര​തി​കൂ​ല കാ​ലാ​വ​സ്ഥ കാ​ര​ണം ട്രോ​ളി​ങ്‌ നി​രോ​ധ​നം ക​ഴി​ഞ്ഞും ഒ​രു​മാ​സ​ത്തോ​ളം ബോ​ട്ടു​ക​ൾ​ക്കും വ​ള്ള​ങ്ങ​ൾ​ക്കും ക​ട​ലി​ൽ പോ​കാ​ൻ സാ​ധി​ച്ചി​രു​ന്നി​ല്ല. കാ​ലാ​വ​സ്ഥ അ​നു​കൂ​ല​മാ​യ​തോ​ടെ ക​ട​ലി​ലെ​ത്തി​യ​പ്പോ​ൾ ന​ല്ല മീ​ൻ ല​ഭി​ച്ചി​രു​ന്നു.

അ​തി​നി​ടെയാണ്‌ ഇ​ത​ര സം​സ്ഥാ​ന ബോ​ട്ടു​ക​ളു​ടെ അ​ന​ധി​കൃ​ത മീ​ൻ​പി​ടി​ത്തം ആ​രം​ഭി​ച്ച​ത്‌. ഇ​തോ​ടെ കു​റ​ച്ച്‌ ദി​വ​സ​ങ്ങ​ളാ​യി മീ​ൻ ല​ഭ്യ​ത ഇ​ല്ലാ​താ​യി.