Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightകീഴല്ലൂർ...

കീഴല്ലൂർ ഗ്രാമപഞ്ചായത്ത്​: 14ൽ 13 വാർഡുകളും അടച്ചിട്ടു

text_fields
bookmark_border
കീഴല്ലൂർ: കീഴല്ലൂർ ഗ്രാമപഞ്ചായത്തിൽ 14 വാർഡിൽ 13 വാർഡുകളും അടച്ചിട്ടു. കോവിഡ്​ സമ്പർക്ക വ്യാപനം രൂക്ഷമായതിനെ തുടർന്നാണ്​ ഇത്രയും വാർഡുകൾ അടച്ചിടേണ്ടിവന്നത്​. മാർച്ച്​ മുതൽ 140 കോവിഡ്​ പോസിറ്റിവ്​ കേസുകളാണ്​ പഞ്ചായത്തിൽ റിപ്പോർട്ട്​​ ചെയ്​തിട്ടുള്ളത്​. നിലവില 13 വാർഡുകളിലായി 66 പേർ ചികിത്സയിലാണ്​. ഇതിൽ എട്ടുപേർ ആശുപത്രികളിലാണുള്ളത്​. കഴിഞ്ഞ ഒരാഴ്​ചക്കുള്ളിലാണ്​ 66 പേർക്ക്​ രോഗം സ്​ഥിരീകരിച്ചത്​. എടയന്നൂർ ജി.എച്ച്​.എസ്​.എസിൽ വെള്ളിയാഴ്​ച നടത്തിയ പരിശോധനയിൽ 11 പേർക്കും ശനിയാഴ്​ച നടത്തിയ പരിശോധനയിൽ 10 പേർക്കും രോഗം സ്​ഥിരീകരിച്ചിരുന്നു. നിലവിൽ ഏഴ്​ പഞ്ചായത്ത്​ മെംബർമാർക്കും രോഗം സ്​ഥിരീകരിച്ചിട്ടുണ്ട്​. ഒരാഴ്​ചക്കിടയിലുണ്ടായ രോഗികളുടെ വർധന​ ജനങ്ങൾ കൂടുതൽ ഗൗരവത്തോടെ കാണണമെന്ന്​ പ്രസിഡൻറ്​ എം. രാജൻ അറിയിച്ചു. സമ്പർക്കത്തിലൂടെയാണ്​ രോഗവ്യാപനം ഉണ്ടായിട്ടുള്ളത്​. ജനങ്ങൾ പുറത്തിറങ്ങരുതെന്നും പഞ്ചായത്ത്​ പരിധിയിലെ മുഴുവൻ ചടങ്ങുകളും ഒഴിവാക്കണമെന്നും അദ്ദേഹം പറഞ്ഞു.
Show Full Article
TAGS:
Next Story