അടിപിടി; അഞ്ചുപേർക്കെതിരെ കേസ്

പേരാവൂർ: കുനിത്തലയിൽ ഞായറാഴ്ച രാത്രിയുണ്ടായ അടിപിടി സംഭവത്തിൽ അഞ്ചുപേർക്കെതിരെ പൊലീസ് കേസെടുത്തു. കാക്കയങ്ങാട്, മുടക്കോഴി സ്വദേശികളായ അഞ്ചുപേർക്കെതിരെയാണ് മർദനമേറ്റവരുടെ പരാതിയിൽ പേരാവൂർ പൊലീസ് കേസെടുത്തത്. മുമ്പ്​ കാക്കയങ്ങാടിൽ ഇരുവിഭാഗവും തമ്മിൽ വാക്കേറ്റമുണ്ടായിരുന്നു. പ്രശ്‌നം പറഞ്ഞുതീർക്കാൻ കുനിത്തലയിലെത്തിയവരും മറുവിഭാഗവും തമ്മിലുണ്ടായ വാക്കേറ്റമാണ് മർദനത്തിൽ കലാശിച്ചത്. പേരാവൂർ പൊലീസ് അന്വേഷണം ഊർജിതമാക്കി.