പാലയാട് നെൽകൃഷി ഇറക്കി

തലശ്ശേരി: ധർമടം സർവിസ് സഹകരണ ബാങ്കി​ൻെറ നേതൃത്വത്തിലുള്ള ഫാർമേഴ്സ് ക്ലബ് പാലയാട് ഡയറ്റ് വയലിൽ ഇത്തവണയും നെൽകൃഷി ഇറക്കി. ഞാറ് നടീൽ ജില്ല പഞ്ചായത്തംഗം കോങ്കി രവീന്ദ്രൻ ഉദ്ഘാടനം ചെയ്തു. മൂന്നരയേക്കർ വയലിൽ ഭവാനി, ജ്യോതി, പാലക്കാടൻമെട്ട നെല്ലിനങ്ങളാണ് കൃഷിചെയ്യുന്നത്. നെല്ലിക്ക ശശിധര​ൻെറ നേതൃത്വത്തിലുള്ള പതിനൊന്നംഗങ്ങളാണ് കാർഷിക പ്രവർത്തനങ്ങൾക്ക് നേതൃത്വം നൽകുന്നത്. ഞാറ് നടീൽ ഉത്സവചടങ്ങിൽ ധർമടം ബാങ്ക് പ്രസിഡൻറ് ടി. അനിൽ അധ്യക്ഷത വഹിച്ചു.