പാലുകാച്ചിയില്‍ ആടിനെ വന്യജീവി കടിച്ചുകൊന്നു

പാലുകാച്ചിയില്‍ ആടിനെ വന്യജീവി കടിച്ചുകൊന്നുകൊന്നത് കടുവയാണെന്ന് സംശയംകൊട്ടിയൂര്‍: പാലുകാച്ചിയില്‍ ഗര്‍ഭിണിയായ ആടിനെ വന്യജീവി കടിച്ചുകൊന്നു. പാലുകാച്ചി ചെരുവിളയില്‍ രാമകൃഷ്ണ​ൻെറ ആടിനെയാണ് വന്യജീവി കടിച്ചുകൊന്നത്. ബുധനാഴ്ച പുലര്‍ച്ച 3.30 ഓടെയാണ് സംഭവം. രാമകൃഷ്ണ​ൻെറ വീടിന് സമീപത്ത് കൂട്ടില്‍ കെട്ടിയിരുന്ന അഞ്ച് ആടുകളില്‍ ഒരെണ്ണത്തിനെയാണ് കടിച്ചുകൊന്നത്. മറ്റ് ആടുകളുടെ കരച്ചില്‍കേട്ട് വീട്ടുകാര്‍ ഉണര്‍ന്ന് ബഹളംവെച്ചതിനെ തുടര്‍ന്ന് ആടിനെ ഉപേക്ഷിച്ച് വന്യജീവി കടന്നു കളയുകയായിരുന്നുവെന്ന് രാമകൃഷ്ണന്‍ പറഞ്ഞു. മണത്തണ സെക്​ഷന്‍ ഫോറസ്​റ്റ്​ ഓഫിസര്‍ സി.കെ. മഹേഷ്, ബീറ്റ് ഫോറസ്​റ്റ്​ ഓഫിസര്‍ സി. ചന്ദ്രന്‍, വാച്ചര്‍ തോമസ് എന്നിവര്‍ സ്ഥലത്തെത്തി. ആദ്യമായാണ് ഈ പ്രദേശത്ത് ഇത്തരത്തില്‍ വന്യജീവി വളര്‍ത്തുമൃഗങ്ങളെ കടിച്ചുകൊല്ലുന്നതെന്ന് നാട്ടുകാര്‍ പറഞ്ഞു. ആടിനെ കൊന്നത് കടുവയാണെന്ന് സംശയമുണ്ട്.