കർഷക സമരം: കെ.എസ്.കെ.ടി.യു അനുഭാവ സത്യഗ്രഹം

പയ്യന്നൂര്‍: കേന്ദ്രഭരണ സിരാകേന്ദ്രത്തില്‍ ഒന്നര മാസത്തോളമായി നടക്കുന്ന കര്‍ഷക പ്രക്ഷോഭത്തിന്​ ഐക്യദാർഢ്യവുമായി കർഷക തൊഴിലാളികൾ രാമന്തളി പുന്നക്കടവിൽ അനുഭാവ സത്യഗ്രഹം നടത്തി. കെ.എസ്.കെ.ടി.യു രാമന്തളി വില്ലേജ് കമ്മിറ്റിയുടെ നേതൃത്വത്തില്‍ സംഘടിപ്പിച്ച സത്യഗ്രഹം ജില്ല സെക്രട്ടറി വി. നാരായണൻ ഉദ്ഘാടനം ചെയ്തു. പി.വി. തമ്പാൻ അധ്യക്ഷത വഹിച്ചു. പഞ്ചായത്ത് വൈസ് പ്രസിഡൻറ്​ ടി. ഗോവിന്ദൻ, എം.വി. ഗോവിന്ദൻ, കെ. വിജയൻ, കെ.പി.വി. ഗോപാലകൃഷ്ണൻ തുടങ്ങിയവർ സംസാരിച്ചു.