വിമുക്ത സൈനികർ ധർണ നടത്തി

കേളകം: ചീങ്കണ്ണി പുഴയിൽ ചൂണ്ടയിട്ട് മീൻപിടിച്ച മുൻ സൈനികനെതിരെ കേസെടുത്ത വനംവകുപ്പ് നടപടിക്കെതിരെ വളയഞ്ചാലിലെ ആറളം വന്യജീവി സങ്കേതത്തി​ൻെറ പ്രവേശന കവാടത്തിന് മുന്നിൽ വിമുക്ത സൈനികർ പ്രതിഷേധിച്ചു. വിമുക്ത ഭടന്മാരുടെ സംഘടനയായ ജയ്‌ഹിന്ദി​ൻെറ നേതൃത്വത്തിലായിരുന്നു പ്രകടനം. രാജ്യത്തിനുവേണ്ടി പോരാടിയ സൈനികരെ അപമാനിച്ച ഉദ്യോഗസ്ഥർക്കെതിരെ വകുപ്പുതല നടപടി സ്വീകരിക്കണമെന്ന്​ സൈനികർ ആവശ്യപ്പെട്ടു. ജയ്‌ഹിന്ദ്‌ സ്​റ്റേറ്റ് ജോ. സെക്രട്ടറി പ്രശാന്ത് ആറന്മുള ഉദ്ഘാടനം ചെയ്തു. സംസ്ഥാന ഉപദേശക സമിതി അംഗം വിദ്യാനന്ദ് മാണിക്കോത്ത്, എൻ.കെ. മോഹനൻ, അനിൽ ടി. ജോൺ തുടങ്ങിയവർ സംസാരിച്ചു. ഫോറസ്​റ്റ് ഓഫിസിന് മുന്നിലെ പ്രകടനത്തിനുശേഷം കണിച്ചാർ ടൗണിലും പ്രകടനം നടത്തി. തുടർന്ന് വനംവകുപ്പി​ൻെറ ഇരിട്ടിയിലെ ഓഫിസിൽ ഡി.എഫ്.ഒയുമായി സൈനികർ ചർച്ച നടത്തി.