ശ്രീചന്ദ് അയൽക്കൂട്ടം പദ്ധതി പുനരാരംഭിക്കുന്നു

കണ്ണൂർ: ശ്രീചന്ദ് സ്പെഷാലിറ്റി ഹോസ്പിറ്റൽ അയൽക്കൂട്ടം പദ്ധതി വീണ്ടും ആരംഭിച്ചിരിക്കുന്നു. കോവിഡിനെ തുടർന്ന് താൽക്കാലികമായി നിർത്തിവെച്ച പദ്ധതി റസിഡൻറ് അസോസിയേഷനുകളുടെ അഭ്യർഥന മാനിച്ചാണ് പുനരാരംഭിച്ചത്​. പദ്ധതിയിലൂടെ പരിശോധനകളിൽ 10 ശതമാനം മുതൽ 50 ശതമാനം വരെ കിഴിവും അതാത് റസിഡൻറ് അസോസിയേഷനിൽ ​െവച്ച് വിവിധ ആരോഗ്യ ബോധവത്​കരണ പരിപാടികളും മെഡിക്കൽ ക്യാമ്പുകളും ജീവിതശൈലി രോഗ പ്രതിരോധ പരിപാടികളും സംഘടിപ്പിക്കും. പദ്ധതിയിൽ അംഗമാകുന്ന അംഗങ്ങൾക്കും അവരുടെ കുടുംബാംഗങ്ങൾക്കും ആനുകൂല്യങ്ങൾ ലഭ്യമാക്കുന്നതും ശ്രീചന്ദ് അയൽക്കൂട്ടത്തി​ൻെറ പ്രത്യേകതകളാണ്. പദ്ധതിയിൽ അംഗമാകാൻ താൽപര്യമുള്ള റസിഡൻറ് അസോസിയേഷൻ ഭാരവാഹികൾ 9539898990 എന്ന നമ്പറിൽ ബന്ധപ്പെടണം.