മുഖ്യമന്ത്രി കേരളത്തിന് അപമാനം –ചെന്നിത്തല

മുഴപ്പിലങ്ങാട് (കണ്ണൂർ): യു.ഡി.എഫ് കേരള മനസ്സി​ൻെറ ശബ്​ദമായി മാറിയിട്ടുണ്ടെന്ന് പ്രതിപക്ഷ നേതാവ് രമേശ് ചെന്നിത്തല. അഴിമതിക്കാരെ ഭരണകാര്യങ്ങളിൽനിന്ന് മാറ്റാനോ അതുമല്ലെങ്കിൽ തള്ളിപ്പറയാനോ കഴിയാത്ത മുഖ്യമന്ത്രി കേരളത്തിന് അപമാനമാണ്. പെൻഷൻ വെട്ടിച്ചുരുക്കിയ ഒരു ഭീകരഭരണം ഇതിനുമുമ്പ്​ കേരളം കണ്ടിട്ടില്ലെന്നും അദ്ദേഹം പറഞ്ഞു. എടക്കാട് നടന്ന മുഴപ്പിലങ്ങാട് യു.ഡി.എഫ് കുടുംബസംഗമം ഉദ്​ഘാടനം ചെയ്യുകയായിരുന്നു അദ്ദേഹം. ഡി.സി.സി പ്രസിഡൻറ്​ സതീശൻ പാച്ചേനി അധ്യക്ഷത വഹിച്ചു. മണ്ഡലം പ്രസിഡൻറ്​ കെ. സുരേഷ് മായനലി, കെ.പി.സി.സി സെക്രട്ടറിമാരായ വി.എ. നാരായണൻ, സജീവ് മാറോളി, പുതുകുടി ശ്രീധരൻ, മുഴപ്പിലങ്ങാട് പഞ്ചായത്ത് സംഘടന ചുമതലയുള്ള എം.കെ. മോഹനൻ, സത്യൻ വണ്ടിച്ചാൽ, അഡ്വ. ഇ.ആർ. വിനോദ്, ജില്ല പഞ്ചായത്ത് ചെമ്പിലോട് ഡിവിഷൻ സ്ഥാനാർഥി ഷക്കീർ മൗവ്വഞ്ചേരി തുടങ്ങിയവർ സംസാരിച്ചു.