ഈർക്കിൽ കമ്പുകൊണ്ട് സ്വപ്നസൗധം

ഉരുവച്ചാൽ: തെങ്ങോലയുടെ പണിത് യുവാവ്​ ശ്രദ്ധേയനാകുന്നു. ഉരുവച്ചാൽ നിമിന നിവാസിലെ 35കാരനായ നിജിൽ ഓണാറമ്പനാണ്​ കരവിരുതുകൊണ്ട്​ കാഴ്ചക്കാരെ വിസ്​മയിപ്പിക്കുന്നത്​. ചീകി മിനുക്കിയ ഈർക്കിൽ കഷണങ്ങൾ വളരെ സൂക്ഷ്​മതയോടെ ഒട്ടിച്ചെടുത്ത് മനോഹരങ്ങളായ സൗധങ്ങളും വീടുകളും കാളവണ്ടികളും ആവശ്യക്കാർക്ക് നിർമിച്ചു നൽകുകയാണ് ഈ കലാകാരൻ. പെയിൻറിങ്​ ജോലി ഇല്ലാത്ത ദിവസങ്ങളിലാണ് കരകൗശല വസ്​തുക്കൾ നിർമിക്കുന്നത്​. രണ്ടാഴ്ചത്തെ പ്രയത്നത്തിലൂടെയാണ് സ്വപ്നസൗധത്തി​​ൻെറ പണി പൂർത്തീകരിക്കാൻ നിജിലിന് സാധ്യമായത്. കൊച്ചു കാളവണ്ടി നാലു​ ദിവസംകൊണ്ട്​ നിർമിച്ചു. തെങ്ങി​ൻെറ അടിച്ചിപ്പാര നിജിലി​ൻെറ കൈയിൽ കിട്ടിയാൽ പുതിയ കരകൗശല വസ്തുക്കൾ പിറവിയെടുക്കും. ഉരുവച്ചാലിലെ പി. നാണു-രോഹിണി ദമ്പതികളുടെ മകനാണ് നിജിൽ. ഇലക്​ട്രോണിക്​സിലും ചിത്രരചനയിലും നിജിൽ കഴിവു തെളിയിച്ചിട്ടുണ്ട്.