താലൂക്ക് ഓഫിസ് ജീവനക്കാരനെ നായ്​ കടിച്ചു

തളിപ്പറമ്പ്: താലൂക്ക് ഓഫിസ് ജീവനക്കാരനെ തെരുവുനായ്​ കടിച്ചുപരിക്കേൽപിച്ചു. തളിപ്പറമ്പ് താലൂക്ക് ഓഫിസിൽ ഇലക്​ഷൻ ഡ്യൂട്ടിയിലുണ്ടായിരുന്ന കൊല്ലം സ്വദേശി ജോഷി ഫെറിയക്കാണ് (34)ബുധനാഴ്ച രാത്രി നായുടെ ആക്രമണത്തിൽ പരിക്കേറ്റത്. ഓഫിസിൽ നിന്നും രാത്രി ഭക്ഷണം കഴിക്കാൻ പുറത്തിറങ്ങുമ്പോഴാണ് പിന്നിൽ നിന്നുമെത്തിയ നായ്​ ആക്രമിച്ചത്. കാലിന് മുറിവേറ്റ ജോഷിയെ താലൂക്ക് ആശുപത്രിയിലും തുടർന്ന് പരിയാരം മെഡിക്കൽ കോളജ് ആശുപത്രിയിലും പ്രവേശിപ്പിച്ച് ചികിത്സ നൽകി.