കേസരി നായനാര്‍ അനുസ്​മരണം

പയ്യന്നൂർ: മലയാളത്തിലെ ആദ്യ ചെറുകഥാകൃത്ത് കേസരി വേങ്ങയില്‍ കുഞ്ഞിരാമന്‍ നായനാരെ അനുസ്​മരിച്ചു. പാണപ്പുഴയിലെ തറവാട്ടുപറമ്പിലെ സ്​മൃതിമണ്ഡപത്തിലാണ് 106ാം ചരമവാര്‍ഷിക ദിനാചരണം നടന്നത്. പയ്യന്നൂര്‍ മലയാളഭാഷ പാഠശാലയും വേങ്ങയിൽ തറവാടും ചേര്‍ന്നാണ് സ്​മൃതിസംഗമം നടത്തിയത്. വേങ്ങയിൽ തറവാട്ടംഗം ഇന്ദിര നിലവിളക്ക് തെളിച്ചു. പാഠശാല ഡയറക്​ടര്‍ ടി.പി. ഭാസ്‌കര പൊതുവാൾ അനുസ്​മരണ പ്രഭാഷണം നടത്തി. ടി.ടി. ലക്ഷ്​മണൻ, റഫീഖ് പാണപ്പുഴ, എൻ.വി. ഗംഗാധരൻ, പ്രഭാകരൻ പനയന്തട്ട, ജയരാജ് മാതമംഗലം, പ്രീത രമേശൻ എന്നിവർ പങ്കെടുത്തു.