Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightമാസ്​ക്കിലേറി ചിഹ്നവും ...

മാസ്​ക്കിലേറി ചിഹ്നവും സ്ഥാനാർഥിയും

text_fields
bookmark_border
മാസ്​ക്കിലേറി ചിഹ്നവും സ്ഥാനാർഥിയും വൈറൽ ബൂത്ത്​ -------------------- ശ്രീകണ്ഠപുരം: മഹാമാരിയെ തടയാൻ നിർബന്ധമാക്കിയ മാസ്​ക്കും പ്രചാരണ ആയുധമാക്കി പാർട്ടികൾ. ചിഹ്നവും നേതാക്കളുടെയും സ്​ഥാനാർഥിയുടെയും ചിത്രവും പതിപ്പിച്ച മാസ്​ക്കുകളുമായാണ്​ ഇക്കുറി വോട്ടുപിടുത്തക്കാരുടെ വരവ്​. നല്ല തുണികൊണ്ട്​ നിർമിച്ച മാസ്​ക്​ വോട്ടുചോദിച്ചുചെല്ലുന്ന വീടുകൾ തോറും സൗജന്യമായി നൽകുകയാണ്​. നരേ​ന്ദ്ര മോദിയും രാഹുൽ ഗാന്ധിയും പിണറായി വിജയനുമെല്ലാം മാസ്​ക്കിൽ ചിരിച്ചുകൊണ്ട്​ വോട്ടുചോദിക്കുന്നു. കോവിഡ്​കാലത്ത്​ പ്രചാരണത്തിന്​ പുതുവഴി തേടാൻ നിർബന്ധിതരായ പാർട്ടികൾ ജനങ്ങളുടെ മുഖവും പരസ്യപ്പലകയാക്കുകയാണ്​. സജീവ പാർട്ടി പ്രവർത്തകരും ഭാരവാഹികളും ഇത്തരം മാസ്ക്കുകൾ ധരിക്കുന്നുമുണ്ട്​. എതിരാളികളുടെ ശത്രുത ആഗ്രഹിക്കാത്തതുകൊണ്ടാകാം തെരഞ്ഞെടുപ്പ്​ പ്രചാരണ മാസ്​ക്കുകൾ ആളുകൾ പരക്കെ ധരിച്ചുകാണുന്നില്ല. എങ്കിലും ഏതുവിധേനയും ജനശ്രദ്ധ നേടാൻ ശ്രമിക്കുന്ന സ്​ഥാനാർഥികൾ പ്രചാരണ മാസ്​ക്​ വിതരണം തകൃതിയായി തുടരുകയാണ്​. തങ്ങളുടെ പാർട്ടിയുടെ മാസ്ക് ധരിപ്പിച്ച് സെൽഫിയെടുത്ത് നവമാധ്യമങ്ങളിലിട്ടുള്ള പ്രചാരണം ഓരോ പാർട്ടി പ്രവർത്തകരും നന്നായി നടത്തുന്നുണ്ട്​. കോയമ്പത്തൂരിൽ നിന്നാണ് കണ്ണൂർ ജില്ലയിലേക്ക് മാസ്ക്കുകൾ തയാറാക്കി എത്തിക്കുന്നത്. 20 രൂപയാണ് മാസ്ക്കി​ൻെറ വില. തലശ്ശേരി, ഇരിട്ടി, ശ്രീകണ്ഠപുരം, പയ്യാവൂർ, തളിപ്പറമ്പ്, പയ്യന്നൂർ എന്നിവിടങ്ങളിലെല്ലാം തെരഞ്ഞെടുപ്പ് മാസ്ക്കുകൾ മാത്രം ആവശ്യാനുസരണം തയാറാക്കി എത്തിച്ചുനൽകുന്നവർ സജീവമായിട്ടുണ്ട്. പി.മനൂപ്ഫോട്ടോ: SKPM Mask 1SKPM Maടk 2SKPM Mask 3Cap: തെരഞ്ഞെടുപ്പിനായി ഇറക്കിയ മാസ്ക്കുകൾ
Show Full Article
TAGS:
Next Story