കനത്ത മഴ: ഇരിട്ടി ടൗണിൽ വെള്ളം കയറി

കനത്ത മഴ: ഇരിട്ടി ടൗണിൽ വെള്ളം കയറി iritty Vellam വെള്ളിയാഴ്​ച പെയ്ത കനത്ത മഴയിൽ ഇരിട്ടി ടൗണിൽ വെള്ളം കയറിയപ്പോൾഇരിട്ടി: വെള്ളിയാഴ്​ച വൈകീട്ട് തിമിർത്തു പെയ്ത തുലാമഴയിൽ ഇരിട്ടി ടൗണിലെ കടകളിലും റോഡിലും വെള്ളം കയറി. വെള്ളം ഓവുചാലിലൂടെ ഒഴുകിപ്പോവാത്തതിനെ തുടർന്ന് റോഡിൽ കെട്ടിക്കിടന്നതോടെയാണ് ടൗണിൽ വെള്ളം കയറിയത്. ഇരിട്ടി പഴയ ബസ് സ്​റ്റാൻഡിലെ കച്ചവട സ്ഥാപനങ്ങളിലും ഓട്ടോ സ്​റ്റാൻഡിലും വെള്ളം കയറി. ഇരുചക്ര വാഹനങ്ങൾ പാർക്ക് ചെയ്ത സ്ഥലത്തും വെള്ളംകയറി. പഴയ പി.ടി. ചാക്കോ ആശുപത്രിക്ക് സമീപമുള്ള റോഡിലും വെള്ളം കയറിയതോടെ ടൗണിൽ ഏറെനേരം ഗതാഗതം തടസ്സപ്പെട്ടു. ഓവുചാൽ നിർമാണത്തിലെ അപാകതയാണ് വെള്ളം ഒഴുകിപ്പോകാതെ ടൗണിൽ കെട്ടിക്കിടക്കാൻ കാരണമെന്നാണ് ആക്ഷേപം.