എയർ കണ്ടീഷണറിൽനിന്ന് തീപടർന്ന് മുറി കത്തിനശിച്ചു

എയർ കണ്ടീഷണറിൽനിന്ന് തീപടർന്ന് മുറി കത്തിനശിച്ചു​ അഴീക്കോട്: വെള്ളിയാഴ്ച രാത്രിയുണ്ടായ ശക്തമായ മിന്നലിൽ എയർകണ്ടീഷണറിന് തീപിടിച്ച് വീടി​ൻെറ രണ്ടാം നിലയിലെ മുറി പൂർണമായും കത്തിനശിച്ചു. അഴീക്കോട് പോർട്ട് ക്വാർട്ടേഴ്സിന് സമീപം തോണിയൻ ഹൗസിൽ കെ.വി. ഹാരിസി​ൻെറ വീട്ടിലാണ് തീപിടിത്തം ഉണ്ടായത്. നാട്ടുകാർ തീകെടുത്താൻ ശ്രമിച്ചെങ്കിലും ആളിപ്പടരുകയായിരുന്നു. കണ്ണൂരിൽ നിന്നും അഗ്നിശമനസേനയെത്തി തീ നിയന്ത്രണ വിധേയമാക്കി. 10 ലക്ഷം രൂപയുടെ നഷ്​ടം കണക്കാക്കുന്നു.