മലയോര മേഖലയിൽ എൽ.ഡി.എഫ് പ്രചാരണത്തിലേക്ക് കടന്നു

മലയോര മേഖലയിൽ എൽ.ഡി.എഫ് പ്രചാരണത്തിലേക്ക് കടന്നുirt lDF മലയോര മേഖലയിൽ എൽ.ഡി.എഫ് സ്ഥാനാർഥികൾ പ്രചാരണം തുടങ്ങിയപ്പോൾഇരിട്ടി: മലയോര മേഖലയിൽ എൽ.ഡി.എഫ് സ്ഥാനാർഥി നിർണയം പൂർത്തിയാക്കി ഒന്നാംഘട്ട പ്രചാരണ രംഗത്തേക്ക് കടന്നു. ജില്ല പഞ്ചായത്ത് ഉളിക്കൽ ഡിവിഷനിൽനിന്ന്​ ജനവിധി തേടുന്ന എൽ.ഡി.എഫ് സ്ഥാനാർഥി സി.പി.ഐയിലെ ഷിമ്മി നിഷാദി​ൻെറ തെരഞ്ഞെടുപ്പ് പ്രചാരണ പരിപാടി ജില്ല എക്സിക്യൂട്ടിവ് കമ്മിറ്റിയംഗം കെ.പി. കുഞ്ഞികൃഷ്ണൻ ഉദ്ഘാടനം ചെയ്തു. ജില്ല, ബ്ലോക്ക്, ഗ്രാമപഞ്ചായത്ത് സ്ഥാനാർഥികൾ പടിയൂർ കല്യാട് പഞ്ചായത്ത് പ്രസിഡൻറായിരുന്ന പരേതനായ ടി.ആർ. നാരായണ​ൻെറ വയത്തൂരിലെ സ്മൃതിമണ്ഡപത്തിൽ​ പുഷ്പാർച്ചന നടത്തിയാണ് തെരഞ്ഞെടുപ്പു പ്രചാരണത്തിന് തുടക്കം കുറിച്ചത്. തെരഞ്ഞെടുപ്പ് പ്രചാരണോദ്ഘാടന ചടങ്ങിൽ കെ.ജി. ദിലീപ് അധ്യക്ഷതവഹിച്ചു. പി.കെ. ശശി, കെ.കെ. ജനാർദൻ, എം.എസ്. നിഷാദ് എന്നിവർ സംസാരിച്ചു. തെരഞ്ഞെടുപ്പിന് മുന്നോടിയായി പരമാവധി വോട്ടർമാരെ നേരിൽ കണ്ട് വോട്ട് അഭ്യർഥിക്കാനാണ് സ്ഥാനാർഥികളുടെ ശ്രമം.