പയ്യന്നൂർ സ്​റ്റേഷനിൽ മേൽ നടപ്പാലം തുറന്നു

പയ്യന്നൂര്‍: എം.എല്‍.എ ആസ്തി വികസന ഫണ്ടും നഗരസഭ വിഹിതവും ഉപയോഗിച്ച് നിര്‍മിച്ച പയ്യന്നൂര്‍ റെയില്‍വേ സ്​റ്റേഷന്‍ മേൽ നടപ്പാലം സി. കൃഷ്ണന്‍ എം.എല്‍.എ ഉദ്ഘാടനം ചെയ്തു. പയ്യന്നൂര്‍ നഗരസഭ ചെയര്‍മാന്‍ അഡ്വ. ശശി വട്ടക്കൊവ്വൽ അധ്യക്ഷത വഹിച്ചു. പയ്യന്നൂർ സ്​റ്റേഷനെ റെയിൽവേ അവഗണിക്കുന്നുവെന്ന പരാതിക്കിടെയാണ് എം.എൽ.എയും നഗരസഭയും ഇടപെട്ട് പാലം പണിത്​ മാതൃകയായത്. നാവിക അക്കാദമി, സി.ആർ.പി.എഫ് കേന്ദ്രം എന്നിവ ഉൾ​െപ്പടെ ആശ്രയിക്കുന്ന സ്​റ്റേഷനായിട്ടും ജനപ്രതിനിധികളുടെ നിവേദനങ്ങൾ റെയിൽവേ അവഗണിച്ചു. മൂന്നാം ട്രാക്കിൽ നിർത്തിയിട്ട ഗുഡ്സ് വാഗ​ൻെറ എൻജിനിൽ കയറി വേണം സ്ത്രീ പുരുഷ ഭേദമന്യേ യാത്രക്കാർ രണ്ടാം പ്ലാറ്റ്ഫോമിൽ എത്താൻ. ജീവൻ പണയം വെച്ചുള്ള ഇൗ അഭ്യാസത്തിനാണ് അറുതിയായത്. സ്​റ്റേഷൻ വികസനത്തിനുള്ള പ്രധാന ഘടകം കൂടിയായിരുന്നു കിഴക്ക് ഭാഗത്ത് മേൽ നടപ്പാലം നിർമിക്കുക എന്നത്. റെയിൽവേയെ സമീപിച്ചപ്പോൾ നിർമാണത്തിന് അനുമതി നൽകുകയായിരുന്നു. 1,77,000 രൂപയാണ് സെ​േൻറജ് ചാർജടച്ചത്. അന്നത്തെ കാസർകോട് എം.പി പി. കരുണാകര​ൻെറ ഇടപെടലിനെത്തുടർന്ന് ദ്രുതഗതിയിൽ പണി തുടങ്ങി. നിർമാണം വേഗത്തിലാക്കാൻ എം.എൽ.എയുടെയും ചെയർമാ​ൻെറയും നിരന്തര ഇടപെടൽ ഉണ്ടായതോടെ മേൽപാലം യാഥാർഥ്യമായി.