Begin typing your search above and press return to search.
exit_to_app
exit_to_app
Posted On
date_range 14 Sep 2020 11:59 PM GMT Updated On
date_range 14 Sep 2020 11:59 PM GMTതെരഞ്ഞെടുപ്പ് മാറ്റിവെക്കണമെന്ന അഭിപ്രായം എൽ.ഡി.എഫിനില്ലായിരുന്നു -എ.എൻ. ഷംസീർ എം.എൽ.എ
text_fieldsbookmark_border
പാനൂർ: തെരഞ്ഞെടുപ്പ് മാറ്റിവെക്കണമെന്ന അഭിപ്രായം എൽ.ഡി.എഫിനില്ലായിരുന്നുവെന്ന് എ.എൻ. ഷംസീർ എം.എൽ.എ. പന്ന്യന്നൂർ മൃഗാശുപത്രിക്കുവേണ്ടി നിർമിക്കുന്ന കെട്ടിടത്തിൻെറ തറക്കല്ലിടൽ കർമം നിർവഹിക്കുകയായിരുന്നു അദ്ദേഹം. അഞ്ച് വർഷം കൂടുമ്പോൾ കൃത്യമായി തെരഞ്ഞെടുപ്പ് നടക്കുന്ന സംസ്ഥാനമാണ് കേരളം. എന്നാൽ, ഇത് അനിവാര്യതയുള്ള മാറ്റമാണ്. നവംബർ മുതൽ കേരളം ഉദ്യോഗസ്ഥ ഭരണത്തിലാകുമെന്നും എ.എൻ. ഷംസീർ പറഞ്ഞു. പന്ന്യന്നൂർ പഞ്ചായത്ത് അധ്യക്ഷ എ.ശൈലജ അധ്യക്ഷത വഹിച്ചു. വൈസ് പ്രസിഡൻറ് കെ.ഇ. മോഹനൻ, പാനൂർ ബ്ലോക്ക് പഞ്ചായത്ത് സ്റ്റാൻഡിങ് കമ്മിറ്റി ചെയർമാൻ കെ.കെ. രാജീവൻ, ഇ. വിജയൻ മാസ്റ്റർ, എൻ.പി. രാജൻ എന്നിവർ സംസാരിച്ചു. വെറ്ററിനറി സർജൻ ഡോ.നിഷ ചന്ദ്രൻ സ്വാഗതവും പഞ്ചായത്ത് സെക്രട്ടറി കെ.പ്രദീപൻ നന്ദിയും പറഞ്ഞു. മൃഗസംരക്ഷണ വകുപ്പ് അനുവദിച്ച 37,50,000 രൂപ ഉപയോഗിച്ചാണ് കെട്ടിട നിർമാണം. പന്ന്യന്നൂരിലെ പി.ടി.കെ അനന്തൻ സ്മാരക ആർട്സ് ആൻഡ് സ്പോർട്സ് ക്ലബാണ് സ്ഥലം നൽകിയത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story