ശോഭ വധക്കേസ്​: പ്രതിയെ തെളിവെടുപ്പിനെത്തിച്ചു

കേളകം: ശോഭ വധക്കേസിൽ പ്രതിയെ പൊലീസ് കസ്​റ്റഡിയിൽ തെളിവെടുപ്പിനെത്തിച്ചു. കൊട്ടിയൂർ മന്ദംചേരിയിലെ ആദിവാസി യുവതി കൂടത്തിൽ ശോഭയെ (37) വധിച്ച കേസിൽ റിമാൻഡിലായ പ്രതി പെരുവ സ്വദേശി വിപിനെയാണ്​ (25) കേളകം പൊലീസ് കസ്​റ്റഡിയിൽ വാങ്ങി തെളിവെടുപ്പിനെത്തിച്ചത്. പ്രതിയുടെ വീട്ടിലെത്തിച്ചായിരുന്നു തെളിവെടുപ്പ്. തുടർന്ന് കൂത്തുപറമ്പ്​ ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കി റിമാൻഡ്​ ചെയ്തു. കഴിഞ്ഞ മാസം 24ന് കാണാതായ ശോഭയെ 28ന് തോലമ്പ്ര കൈതച്ചാലിലെ ഒഴിഞ്ഞ പറമ്പിൽ തൂങ്ങിമരിച്ച നിലയിൽ കണ്ടെത്തുകയായിരുന്നു. തുടർന്നുള്ള അന്വേഷണത്തിൽ കൊലപാതകമാണെന്ന് കണ്ടെത്തി.