പഴകിയ ഭക്ഷണങ്ങൾ പിടികൂടി

കേളകം: പഞ്ചായത്ത് പരിധിയിലെ ഹോട്ടലുകളിലും ബേക്കറികളിലും ഇറച്ചി-മത്സ്യവിൽപന കേന്ദ്രങ്ങളിലും ഭക്ഷ്യവസ്തുക്കളുടെ ഉൽപാദന കേന്ദ്രങ്ങളിലും ആരോഗ്യ വകുപ്പ്​ പരിശോധന നടത്തി. 21 സ്ഥാപനങ്ങളിലാണ് പരിശോധന നടത്തിയത്. മൂന്ന് ഹോട്ടലുകളിൽ നിന്ന്​ പഴകിയ ഭക്ഷണ സാധനങ്ങൾ പിടിച്ചെടുത്ത് നശിപ്പിച്ചു. ലൈസൻസ് ഇല്ലാതെ പ്രവർത്തനം നടത്തുന്ന ഇറച്ചി വിൽപന സ്​റ്റാളിന് നോട്ടീസ് നൽകി.