ആ​ദി​വാ​സി വയോധികയുടെ തി​രോ​ധാ​ന​ത്തി​ല്‍ അ​ന്വേ​ഷ​ണം ഊ​ര്‍​ജി​തം

പെ​രു​വ പു​ഴ​യി​ല്‍ തി​ര​ച്ചി​ല്‍ ന​ട​ത്തി പേരാവൂർ: ആ​ദി​വാ​സി വയോധികയു​ടെ തി​രോ​ധാ​ന​ത്തി​ല്‍ അ​ന്വേ​ഷ​ണം ഊ​ര്‍​ജി​ത​മാ​ക്കി പേ​രാ​വൂ​ര്‍ പൊ​ലീ​സ്. കോ​ള​യാ​ട് പെ​രു​വ ചെ​മ്പു​ക്കാ​വി​ലെ ക​രീ​ക്ക​ല്‍ കും​ഭയെ​യാ​ണ് (80) 10 ​ദി​വ​സം മു​മ്പ് കാ​ണാ​താ​യ​ത്. അ​ന്വേ​ഷ​ണ​ത്തി​‍ൻെറ ഭാ​ഗ​മാ​യി പേ​രാ​വൂ​ര്‍ പൊ​ലീ​സും അ​ഗ്‌​നി​ര​ക്ഷാ​സേ​ന​യും ശനിയാഴ്​ച പ്ര​ദേ​ശ​ത്തെ പെ​രു​വ പു​ഴ​യി​ല്‍ തി​ര​ച്ചി​ല്‍ ന​ട​ത്തി. പു​ഴ​യു​ടെ മ​റു​ക​ര​യി​ലു​ള്ള വ​യ​ലി​ല്‍ പോ​കാ​ന്‍ സാ​ധ്യ​ത​യു​ള്ള​തി​നാ​ല്‍ ഇവർ പു​ഴ​യി​ല്‍ ഒ​ഴു​ക്കി​ല്‍​പെ​ട്ടി​ട്ടു​ണ്ടോ​യെ​ന്ന സം​ശ​യ​ത്തി​ലാ​ണ് ചെ​മ്പു​ക്കാ​വ് മു​ത​ല്‍ ച​ങ്ങ​ല ഗേ​റ്റ് വ​രെ​യു​ള്ള ഭാ​ഗ​ത്ത് പു​ഴ​യി​ല്‍ തി​ര​ച്ചി​ല്‍ ന​ട​ത്തി​യ​ത്. ആ​റു മ​ക്ക​ളു​ള്ള കും​ഭ ഓ​രോ മ​ക്ക​ളു​ടെ​യും വീ​ടു​ക​ളി​ല്‍ മാ​റി​മാ​റി താ​മ​സി​ക്കാ​റാ​ണ്​ പ​തി​വ്. ഈ ​മാ​സം 10ന്​ രാ​വി​ലെ മ​ക​ന്‍ അ​ശോ​ക​‍ൻെറ വീ​ട്ടി​ല്‍​നി​ന്ന് മ​ട​ങ്ങു​ക​യും മ​റ്റൊ​രു മ​ക​ളു​ടെ വീ​ട്ടി​ലെ​ത്തി അ​വി​ടെ കു​റ​ച്ചു​സ​മ​യം ചെ​ല​വ​ഴി​ക്കു​ക​യും ചെ​യ്തു. അ​വി​ടെ​നി​ന്ന് ഒ​രു ബ​ന്ധു​വി​‍ൻെറ വീ​ട്ടി​ലെ​ത്തി ഉ​ച്ച​ഭ​ക്ഷ​ണം ക​ഴി​ച്ചി​റ​ങ്ങി​യ കും​ഭ​യെ വൈ​കീട്ട്​ നാ​ട്ടു​കാ​രി​ല്‍ ചി​ല​ര്‍ ക​ണ്ട​താ​യും പൊ​ലീ​സി​ന് വി​വ​രം ല​ഭി​ച്ചി​രു​ന്നു. 14ന് ​ബാ​ങ്കി​ല്‍​നി​ന്ന് ക്ഷേ​മ​ പെ​ന്‍​ഷ​ന്‍ ന​ല്‍​കാ​നെ​ത്തി​യ​പ്പോ​ഴാ​ണ് കും​ഭ​യെ കാ​ണാ​നി​ല്ലെ​ന്ന് ബ​ന്ധു​ക്ക​ള്‍ മ​ന​സ്സി​ലാ​ക്കു​ന്ന​ത്. പൊ​ലീ​സും നാ​ട്ടു​കാ​രും വ​നം​ വ​കു​പ്പ്, ഡോ​ഗ് സ്‌​ക്വാ​ഡ് സ​ഹാ​യ​ത്തോ​ടെ വ​ന​ത്തി​ലു​ള്‍​പ്പെ​ടെ തിര​ച്ചി​ല്‍ ന​ട​ത്തി​യെ​ങ്കി​ലും ഇ​വ​രെ ക​ണ്ടെ​ത്താ​നാ​യി​ല്ല.