ഇരിക്കൂർ ഗവ. ആശുപത്രിയിൽ രാത്രി ചികിത്സക്ക് സൗകര്യം

ഇരിക്കൂർ: ഇരിക്കൂറിലും പരിസരങ്ങളിലും രാത്രി കാലത്ത് ഡോക്ടറും ചികിത്സയും ഇല്ലാതിരുന്ന പ്രശ്നത്തിന് പരിഹാരമായി. ആരോഗ്യ വകുപ്പ് രാത്രി കാല ചികിത്സക്കായി രണ്ട് ഡോക്ടർമാരെയും ഒരു ഫാർമസിസ്​റ്റിനെയും നിയമിച്ചു. 2010ലാണ് പി.എച്ച്.സിയായിരുന്ന ആശുപത്രിയെ സി.എച്ച്.സിയാക്കി ഉയർത്തിയത്. 2017ൽ സായാഹ്​ന ഒ.പി ആരംഭിച്ചു. രാത്രികാലങ്ങളിൽ ഡോക്ടർമാരുടെ സേവനം ലഭ്യമല്ലാത്തത്​ പ്രയാസമുണ്ടാക്കുന്നതായി പരാതിയുയർന്നിരുന്നു. ഈ പ്രദേശങ്ങളിലെ സ്വകാര്യ ക്ലിനിക്കുകൾ രാത്രി എട്ടുവരെ മാത്രമേ പ്രവർത്തിക്കുന്നുള്ളു.