പാപ്പിനിശ്ശേരിയിൽ കനത്ത ജാഗ്രത

കീച്ചേരി-അഞ്ചാംപീടിക റോഡ്​ ഇരുഭാഗത്തും വാഹനങ്ങൾ നിരയായി നിൽക്കുമ്പോഴാണ് പൊലീസ്​ അടച്ചതിൽ പ്രതിഷേധം പാപ്പിനിശ്ശേരി: കോവിഡ് സമ്പർക്ക വ്യാപന ഭീതി നിൽക്കുന്നതിനിടെ പാപ്പിനിശ്ശേരി പഞ്ചായത്തിലെ ഒമ്പതു​ വാർഡുകൾ അടച്ചിട്ടു. ബുധനാഴ്ച രാവിലെ 10ന്​​ ശേഷമാണ് പഞ്ചായത്തിലെയും സമീപത്തെ കല്യാശ്ശേരി പഞ്ചായത്തിലെയും പ്രധാന റോഡുകൾ അടച്ചിട്ടത്. പാപ്പിനിശ്ശേരിയിലെ രണ്ട്​, മൂന്ന്​, നാല്​, അഞ്ച്​, ആറ്​, 12, 13, 14, 18 വാർഡുകളാണ് പൂർണമായി അടച്ചിട്ടത്. ഇതോടൊപ്പം മറ്റ്​ വാർഡുകളിൽകൂടി പോകുന്ന റോഡുകളും പൊലീസ് അടച്ചിട്ടുണ്ട്. നിരവധി ബസുകൾ സർവിസ് നടത്തുന്ന കീച്ചേരി-അഞ്ചാംപീടിക റോഡ് ഇരുഭാഗത്തും വാഹനങ്ങൾ നിരയായി നിൽക്കുമ്പോഴാണ് ബുധനാഴ്ച ഉച്ചയോടെ അടച്ചത്. അടച്ചിടുമ്പോൾ ഇരുഭാഗത്തും ഉണ്ടായ വാഹനങ്ങളെ​ പോലും പോകാൻ പൊലീസ് അനുവദിക്കാത്തത് പ്രതിഷേധത്തിനും ഇടയാക്കി. പാപ്പിനിശ്ശേരി ഗേറ്റ് -പാളിയത്ത് വളപ്പ് റോഡ്, വേളാപുരം- പഴഞ്ചിറ റോഡ്, ഇരിണാവ് -ധർമ കിണർ റോഡ് തുടങ്ങി ഒട്ടുമിക്ക പ്രധാന റോഡുകളും അടച്ചിട്ടു. വ്യാപാര സ്ഥാപനങ്ങൾ നാലു ദിവസമായി അടച്ചിട്ടപ്പോൾ അവശ്യസാധനങ്ങൾ പോലും ലഭിക്കാത്ത അവസ്ഥ ജനങ്ങളെ ദുരിതത്തിലാക്കിയിട്ടുണ്ട്. പ്രദേശത്തെ സഹകരണ സ്​റ്റോറുകൾ അടക്കമുള്ള വ്യാപാര സ്ഥാപനങ്ങൾ വഴി വാതിൽപ്പടി വിതരണ സംവിധാനത്തിനുള്ള അനുമതി അധികൃതർ നൽകണമെന്ന ആവശ്യവും ജനങ്ങളുടെ ഭാഗത്തുനിന്ന്​ ഉയർന്നിട്ടുണ്ട്. photo must