കർഷകരോഷവുമായി സ്വതന്ത്ര കർഷക സംഘം

കണ്ണൂർ: കർഷക ദിനത്തിൽ സ്വതന്ത്ര കർഷക സംഘം സംസ്ഥാന കമ്മിറ്റി പ്രഖ്യാപിച്ച കർഷകരോഷം സമരം ജില്ലയിൽ വിവിധയിടങ്ങളിലായി നടത്തി. മണ്ഡലങ്ങളിൽ കർഷകർ ഗൃഹാങ്കണങ്ങളിലും കൃഷിയിടങ്ങളിലും ബാനറുകൾ ഉയർത്തിയായിരുന്നു സമരം. മുഖ്യമന്ത്രിക്കും കൃഷി വകുപ്പ് മന്ത്രിക്കും നിവേദനങ്ങൾ അയക്കുകയും ചെയ്​തു. കണ്ണൂർ മണ്ഡലത്തിൽ ജില്ല പ്രസിഡൻറ് കെ. കുഞ്ഞിമാമു, അഹ്​മദ് മാണിയൂർ, പി.പി. മഹ് മൂദ് എന്നിവർ നേതൃത്വം നൽകി. പയ്യന്നൂരിൽ പി.കെ. അബ്​ദുൽ ഖാദർ മൗലവി, വി.കെ.പി. ഇസ്​മയിൽ എന്നിവർ നേതൃത്വം നൽകി. തളിപ്പറമ്പിൽ പി.എം. അബ്​ദുൽ അസീസ് ഹാജി, എം.സി. ഇബ്രാഹിം ഹാജി, ടി.വി. ഹസൈനാർ എന്നിവരും തലശ്ശേരിയിൽ പി. അബ്​ദു റഹിമാൻ, കൂത്തുപറമ്പിൽ പി.കെ. അബ്​ദുല്ല ഹാജി, ഇരിക്കൂറിൽ പി.ടി. മുഹമ്മദ്, അബ്​ദുൽ കരീം എന്നിവരും നേതൃത്വം നൽകി.