Begin typing your search above and press return to search.
exit_to_app
exit_to_app
Posted On
date_range 1 July 2020 8:15 PM GMT Updated On
date_range 1 July 2020 8:15 PM GMTകോവിഡ് അവസാനിക്കുന്നതുവരെ വാടക ഇളവ് അനുവദിക്കണം -മർച്ചൻറ്സ് അസോസിയേഷൻ
text_fieldsbookmark_border
കാസർകോട്: കോവിഡ് അവസാനിക്കുന്നതുവരെ വ്യാപാര സ്ഥാപനങ്ങളുടെ വാടകയിൽ ഇളവ് അനുവദിക്കണമെന്ന് മർച്ചൻറ്സ് അസോസിയേഷൻ. നഗരത്തിൽ പുതിയ കെട്ടിടങ്ങളിൽ സമീപകാലത്ത് ആരംഭിച്ച എല്ലാ വ്യാപാര സ്ഥാപനങ്ങളും ലോക്ഡൗൺ കാലത്തെ പ്രതിസന്ധി പരിഹരിക്കാൻ കഴിയാതെ തൊഴിലാളികളെ പരമാവധി ഒഴിവാക്കിയും ചെലവുകൾ ചുരുക്കിയും ഉപജീവനമാർഗമെന്ന നിലയിൽ നിലനിർത്താനുള്ള പരിശ്രമമാണ് നടത്തുന്നത്. എന്നാൽ, ലോക്ഡൗണിൽ ഇളവുകൾ പ്രഖ്യാപിച്ചെങ്കിലും നഗരത്തിൽ ഉപഭോക്താക്കൾ നേരത്തെ ഉള്ളതിൻെറ പകുതി പോലും എത്തുന്നില്ല. എന്ന് മാത്രമല്ല, നിത്യോപയോഗ വസ്തുക്കൾ അത്യാവശ്യത്തിന് വാങ്ങുന്നതല്ലാതെ മറ്റ് വ്യാപാര സ്ഥാപനങ്ങളിലേക്ക് തിരിഞ്ഞുനോക്കാൻ പോലും സാമ്പത്തിക പ്രതിസന്ധി കാരണം ജനങ്ങൾ തയാറാവുന്നില്ല. ഈ സാഹചര്യത്തിൽ നിലവിലുള്ള കടമുറികളുടെ വാടക കോവിഡ് - 19 പ്രതിസന്ധി രാജ്യത്തുനിന്നും അവസാനിക്കുന്നതുവരെ കെട്ടിട ഉടമകൾ കുറച്ചുകൊടുക്കലല്ലാതെ മറ്റു വഴികളില്ല. നിലവിലുള്ള കടകൾ തുടർന്ന് നടത്താൻ നിലവിലുള്ള കച്ചവടക്കാർക്ക് പ്രതിമാസ വാടകയിൽ പരമാവധി ഇളവ് അനുവദിച്ചുകൊടുക്കാൻ കെട്ടിട ഉടമകൾ തയാറാകണമെന്ന് അസോസിയേഷൻ കെട്ടിട ഉടമകളോട് ആവശ്യപ്പെട്ടു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story