Begin typing your search above and press return to search.
exit_to_app
exit_to_app
Posted On
date_range 13 Oct 2021 12:09 AM GMT Updated On
date_range 13 Oct 2021 12:09 AM GMTയു.പിയിൽ യോഗിയുടെ ഏകാധിപത്യ ഭരണം -ബെന്നി ബഹനാൻ
text_fieldsbookmark_border
കൊച്ചി: ഭരണഘടന അനുശാസിക്കുന്നതല്ല യു.പിയിൽ നടക്കുന്നതെന്നും ക്രിമിനൽ നടപടിക്രമങ്ങൾ ബാധകമല്ലാത്ത സംസ്ഥാനമായി അവിടം മാറിയെന്നും ബെന്നി ബഹനാൻ എം.പി. യോഗി ആദിത്യനാഥിൻെറ ഏകാധിപത്യ ഭരണമാണ് നടക്കുന്നത്. രാജ്യമെമ്പാടും ഇതിനെതിരെ ശക്തമായ പ്രതിഷേധങ്ങൾ ഉയരണമെന്നും അദ്ദേഹം പറഞ്ഞു. കർഷകരെ ദാരുണമായി കൊല ചെയ്തതിൽ പ്രതിഷേധിച്ചും അജയ് മിശ്രയുടെ രാജി ആവശ്യപ്പെട്ടും ജില്ല കോൺഗ്രസ് കമ്മിറ്റി എറണാകുളം ബി.എസ്.എൻ.എൽ ഓഫിസിന് മുന്നിൽ സംഘടിപ്പിച്ച സത്യഗ്രഹ സമരം ഉദ്ഘാടനം ചെയ്യുകയായിരുന്നു അദ്ദേഹം. ഡി.സി.സി പ്രസിഡൻറ് മുഹമ്മദ് ഷിയാസ് അധ്യക്ഷത വഹിച്ചു. കെ.പി.സി.സി വൈസ് പ്രസിഡൻറ് കെ.പി. ധനപാലൻ, ജനറൽ സെക്രട്ടറിമാരായ വി.ജെ. പൗലോസ്, അബ്ദുൽ മുത്തലിബ്, ദീപ്തി മേരി വർഗീസ്, ജെയ്സൺ ജോസഫ്, നേതാക്കളായ എൻ. വേണുഗോപാൽ, ഡൊമിനിക് പ്രസേൻറഷൻ, വി.പി. സജീന്ദ്രൻ, ലൂഡി ലൂയിസ്, ഐ.കെ. രാജു, കെ.എം. സലിം, ടോണി ചമ്മണി, ജെബി മേത്തർ, അബ്ദുൽ ലത്തീഫ്, മനോജ് മൂത്തേടൻ തുടങ്ങിയവർ സംസാരിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story