സീബ്രാലൈനിൽ കാറിടിച്ച്​ തെറിപ്പിച്ചു; വീട്ടമ്മക്ക്​ ദാരുണാന്ത്യം

ഏറ്റുമാനൂർ: ഏറ്റുമാനൂർ-മണർകാട്​ ബൈപാസിൽ സീബ്രാലൈനിൽ റോഡ്​ മുറിച്ചുകടക്കുന്നതിനിടെ അമിതവേഗത്തിലെത്തിയ കാറിടിച്ച്​ വീട്ടമ്മ മരിച്ചു. കൂടെയുണ്ടായിരുന്ന ഒമ്പതുകാരിയായ വളർത്തുമകൾ അദ്​ഭുതകരമായി രക്ഷപ്പെട്ടു. ചെറുവാണ്ടൂർ വള്ളോംകുന്നേൽ ജോയിയുടെ ഭാര്യ സാലിയാണ്​ (46) മരിച്ചത്​. ഞായറാഴ്​ച വൈകീട്ട്​ ഏഴരയോടെ ചെറുവാണ്ടൂരിലാണ്​ അപകടം​. മക്കളില്ലാത്ത സാലിയും ജോയിയും അടുത്തിടെയാണ്​ ഡൽഹിയിൽനിന്ന്​ ജുവൽ എന്ന ഒമ്പതുകാരിയെ ദത്തെടുത്തത്​. കുഞ്ഞിനെ അടുത്തുള്ള ബന്ധുവിനെ കാണിക്കാൻ കൊണ്ടുപോയശേഷം മടങ്ങിയതായിരുന്നു. മണർകാട്​ ഭാഗത്തുനിന്ന്​ എത്തിയ ആൾ​ട്ടോ കാർ ഇവരെ ഇടിച്ചുതെറിപ്പിക്കുകയായിരുന്നു. സാലിയുടെ തലയിലൂടെ കയറിയിറങ്ങിയ കാർ നിർത്താതെപോയി. കുട്ടി റോഡരികിലേക്കാണ്​ തെറിച്ചുവീണത്​. നാട്ടുകാർ ഇരുവ​െരയും ആശുപത്രിയിലെത്തിച്ചെങ്കിലും സാലിയെ രക്ഷിക്കാനായില്ല. ഏറ്റുമാനൂർ പൊലീസ്​ കേസെടുത്ത്​ ​അന്വേഷണം ആരംഭിച്ചു. പടം: KTD SALI 46