ശബരി റെയിൽ: ആശ്വാസ പദ്ധതികൾ പ്രഖ്യാപിക്കണം

കോതമംഗലം: ശബരി റെയിൽ പദ്ധതി അനിശ്ചിതത്വം അവസാനിക്കുന്നതുവരെ കടക്കെണിയിലും ജപ്തി നടപടിയിലും അകപ്പെട്ട ഭൂവുടമകൾക്കായ് പ്രത്യേക ആശ്വാസ പദ്ധതി നടപ്പാക്കണമെന്ന് സമരസമിതി ജനറൽ കൺവീനർ ഗോപാലൻ വെണ്ടുവഴി ആവശ്യപ്പെട്ടു. കേന്ദ്രത്തി​ൻെറ അംഗീകാരമില്ലാതെ പദ്ധതി മുന്നോട്ടു കൊണ്ടുപോകാൻ കഴിയില്ലായെന്നിരിക്കെ സംസ്ഥാന ബജറ്റിൽ തുക അനുവദിച്ചതുകൊണ്ട് പ്രയോജനമില്ല. തെരഞ്ഞെടുപ്പ് ചട്ടം നിലവിൽ വന്നാൽ ഇതിനുള്ള സാധ്യത ഇല്ലാതാവുമെന്നും പ്രസ്​താവനയിൽ പറഞ്ഞു.