സ്​​ത്രീയോടൊപ്പം നിർത്തി ഫോ​ട്ടോയെടുത്ത്​ പണം തട്ടിയ കേസിൽ രണ്ടുപേർ പിടിയിൽ

കൊച്ചി: സ്​​ത്രീ​െയ ചേർത്തുനിർത്തി ഫോട്ടോയെടുത്ത് സമൂഹ മാധ്യമങ്ങളിൽ പ്രചരിപ്പിക്കുമെന്ന്​ ഭീഷണിപ്പെടുത്തി പണവും ആഭരണങ്ങളും തട്ടിയെടുത്ത കേസിൽ രണ്ടുപേർ പിടിയിൽ. ഇടുക്കി ഉടുമ്പൻചോല ചക്കുപള്ളം അഞ്ചാംമൈലിൽ മുകളിയിൽ വീട്ടിൽ മഹേഷ് ജോർജ് (32), അഞ്ചാംമൈലിൽ ഷിബു ജോർജ് (28) എന്നിവരെയാണ് അറസ്​റ്റ്​ ചെയ്തത്. 2019 ജനുവരി ഒമ്പതിനാണ്​ കേസിനാസ്​പദ സംഭവം. എറണാകുളം വളഞ്ഞമ്പലം ഭാഗത്ത് കൺസൾട്ടൻസി സ്ഥാപനം നടത്തുന്നയാളെ ഒരുസ്ത്രീ വിളിച്ച്​ ജോലി തേടി എത്തിയതാ​െണന്നും ഓഫിസിലേക്ക് വരാൻ സ്ഥലം അറിയില്ലെന്നും പറഞ്ഞു. പരാതിക്കാരൻ കാറിൽ അവർ അറിയിച്ച സ്ഥലത്ത്​ എത്തിയപ്പോൾ ഷാഡോ പൊലീസ് ആണെന്ന് പറഞ്ഞ് പ്രതികൾ കാറി​ൻെറ താക്കോൽ ഊരിയെടുത്തു. പരാതിക്കാരനെ പിറകിലെ സീറ്റിൽ കൈ കെട്ടിയിട്ട്​ മർദിച്ചു. മൊബൈൽ ഫോണും 12,500 രൂപയും വെള്ളി ചെയിനും പിടിച്ചുപറിച്ചു. പിന്നീട് ഫോർഷോർ റോഡിലേക്ക് കൊണ്ടുപോയി അവിടെ 25 വയസ്സുള്ള സ്ത്രീയും മറ്റൊരാളും കാറിൽ കയറി. കാറിൽ സ്ത്രീ​െയയും പരാതിക്കാരനെയും ചേർത്ത് മോശപ്പെട്ട ഫോട്ടോകൾ എടുത്തു. പിന്നീട് അവരെ കാറിൽനിന്ന് ഇറക്കിവിട്ടു. ഫോട്ടോ പ്രചരിപ്പിച്ച്​ നാണക്കേട് ഉണ്ടാക്കുമെന്ന് പറഞ്ഞ്​ ഭീഷണിപ്പെടുത്തി എ.ടി.എമ്മിൽനിന്ന്​ 7500 രൂപ കൈക്കലാക്കുകയും ക്രെഡിറ്റ് കാർഡ് ഉപയോഗിച്ച് 9500 രൂപയുടെ മൊബൈൽ ഫോൺ വാങ്ങിപ്പിക്കുകയും ചെയ്​തു. നോർത്ത് റെയിൽവേ സ്​റ്റേഷൻ ഭാഗ​െത്ത ബാറിൽ പോയി മദ്യപിച്ച പ്രതികൾക്ക്​ ബോധം പോയ സമയം കാറെടുത്താണ്​ പരാതിക്കാരൻ രക്ഷപ്പെട്ടതെന്ന്​ പൊലീസ്​ പറഞ്ഞു. വീണ്ടും ആ സ്ത്രീ കാണണമെന്ന് വിളിച്ച് ആവശ്യപ്പെട്ടപ്പോഴാണ് പൊലീസിൽ പരാതി നൽകിയത്. മറ്റു പ്രതികൾക്കായുള്ള അന്വേഷണം തുടരുകയാണ്. സെൻട്രൽ ഇൻസ്പെക്ടർ വിജയശങ്കറി​ൻെറ നേതൃത്വത്തിലാണ്​ പ്രതികളെ പിടികൂടിയത്. EKG PRATHI SHIBU: ഷിബു ജോർജ് EKG PRATHI MAHESH: മഹേഷ് ജോർജ്