Begin typing your search above and press return to search.
exit_to_app
exit_to_app
Posted On
date_range 31 Dec 2020 11:59 PM GMT Updated On
date_range 31 Dec 2020 11:59 PM GMTഅഖിലേന്ത്യ സൈക്കിൾ സവാരി ഫ്ലാഗ്ഓഫ് ചെയ്തു
text_fieldsbookmark_border
പൂച്ചാക്കൽ: രോഗങ്ങളില്ലാത്ത നാളെയെ വരവേൽക്കാം എന്ന സന്ദേശമുയർത്തി പുതുവത്സരത്തോടെ കെ.എൽ-7 പെഡലേഴ്സ് എന്ന സൈക്കിൾ സവാരി ടീമിൻെറ ആഭിമുഖ്യത്തിൽ അഖിലേന്ത്യ സൈക്കിൾ സവാരിക്ക് തുടക്കംകുറിച്ചു. ആലപ്പുഴ പൂച്ചാക്കൽ പൊലീസ് സ്റ്റേഷനിൽനിന്ന് ആരംഭിച്ച സൈക്കിൾ സവാരിക്ക് സി.ഐ അജയമോഹൻ, ടീം ക്യാപ്ടൻ ഫൈസൽ സിറാജിന് ലോഗോ കൈമാറി ഫ്ലാഗ്ഓഫ് ചെയ്തു. കഴിഞ്ഞ പുതുവർഷത്തിൽ 'ലഹരിക്കും മയക്കുമരുന്നിനുമെതിരെ' സന്ദേശത്തിൽ നാലുദിവസംകൊണ്ട് സൈക്കിളിൽ കേരള സവാരി നടത്തി ഫൈസൽ ഖ്യാതി നേടിയിരുന്നു. ഫൈസലിനോടൊപ്പം ക്ലബ് അംഗങ്ങളായ അഖിൽ നാസിം (കോഴിക്കോട്) അദ്നാൻ ഫെറിൻ, മുഹമ്മദ് അനസ് (ഇരുവരും മലപ്പുറം സ്വദേശികൾ) എന്നിവരും സംഘത്തിലുണ്ട്. പൂച്ചാക്കൽ പൊലീസ് സ്റ്റേഷൻ അങ്കണത്തിൽ നടത്തിയ ചടങ്ങിൽ അൻസാർ, സിറാജുദ്ദീൻ, സലാഹുദ്ദീൻ, ഫ്രാൻസിസ്, പൃഥ്വിരാജ്, ഫജറുദ്ദീൻ എന്നിവർ പങ്കെടുത്തു. എസ്.ഐ.ഒ പൂച്ചാക്കൽ യൂനിറ്റ് കോഓഡിനേറ്റർ വി.എ. നാസിമുദ്ദീൻ ആശംസകൾ നേർന്നു. പാണാവള്ളി പഞ്ചായത്ത് പത്താം വാർഡ് അരങ്കശേരി പടിപ്പുരക്കൽ സിറാജ്-ഫാത്വിമ ദമ്പതികളുടെ ഇളയ മകനായ ഫൈസൽ, എസ്.ഐ.ഒ പ്രവർത്തകനും ശ്രീകണ്ഠേശ്വരം ശ്രീനാരായണ ഹയർ സെക്കൻഡറി സ്കൂളിൽനിന്ന് പ്ലസ് ടു പഠനം പൂർത്തിയാക്കിയ വിദ്യാർഥിയുമാണ്. photo APL cycle savari
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story