അമൃതശ്രീക്ക്​ ശിശുദിനം ഒളിമങ്ങാത്ത ഓർമ; ഇക്കുറി കലക്​ടർ പി.ബി​. നൂഹിനൊപ്പം

ആലപ്പുഴ: സംസ്ഥാനത്തെ കുട്ടികളുടെ ആദ്യപ്രധാനമന്ത്രിയായി തിളങ്ങിയ അഞ്ചാംക്ലാസുകാരി അമൃതശ്രീ വി. പിള്ളയുടെ ഓർമയിൽ ശിശുദിനം ഒളിമങ്ങാത്ത ഓർമയാണ്​. കഴിഞ്ഞവർഷം മുഖ്യമന്ത്രി പിണറായി വിജയനൊപ്പമായിരുന്ന ആഘോഷം ഇക്കുറി പത്തനംതിട്ട ജില്ല കലക്​ടർ പി.ബി. നൂഹിനൊപ്പമാണെന്ന പ്രത്യേകതയുണ്ട്​. ശനിയാഴ്​ച രാവിലെ 10ന്​​ അമൃതശ്രീയുടെ അധ്യക്ഷതയിൽ സർക്കാർ ശിശുദിനാഘോഷ പരിപാടിയിൽ കുട്ടികളുടെ പ്രസിഡൻറാകും. തിരുവല്ല ദേവസ്വം ബോർഡ് ഹയർ സെക്കൻഡറി സ്കൂൾ വിദ്യാർഥിനി അമൃതശ്രീ പ്രസംഗത്തിൽ തുടർച്ചയായി മൂന്നാംതവണ ഒന്നാമതെത്തിയാണ്​ ശിശുദിനാഘോഷത്തിൽ പങ്കാളിയാവുന്നത്​. കഴിഞ്ഞവർഷം തിരുവനന്തപുരത്ത്​ നടന്ന സംസ്ഥാനതല ശിശുദിനാഘോഷത്തിൽ നെഹ്​റുവി​ൻെറ തൊപ്പിയും വേഷവും റോസപ്പൂവും ധരിച്ച്​ കുട്ടികളുടെ പ്രധാനമന്ത്രിയായി പ​ങ്കെടുത്ത അമൃതശ്രീയെ സ്വീകരിച്ചത്​ മുഖ്യമന്ത്രിയായിരുന്നു. മുഖ്യമന്ത്രിയുടെ സാന്നിധ്യത്തിൽ നടന്ന ശിശുദിനസമ്മേളനം ഉദ്​ഘാടനം ചെയ്യാനുള്ള അപൂർവഭാഗ്യവും കിട്ടി. പ്രസംഗത്തിന്​ നിറഞ്ഞ കൈയടിയും കിട്ടി. കൊച്ചുമിടുക്കിയുടെ പ്രസംഗത്തെ ​പ്രകീർത്തിക്കാൻ മുഖ്യമന്ത്രിയു​ം മറന്നില്ല. മഹാമാരി വില്ലനാകുമോയെന്ന 'ഭയം' വീട്ടിലെത്തിയിട്ടും കോവിഡ്​ പ്രതിരോധപ്രവർത്തനത്തിന്​ അവധി നൽകിയില്ല. മാധ്യമപ്രവർത്തകനായ പിതാവിന്​ കോവിഡ്​ ബാധിച്ചിട്ടും അധ്യാപികയായ മാതാവ്​ കോവിഡ്​ സൻെററിൽ ജോലിയെടുത്തിട്ടും മാനസികമായി തളർന്ന കുട്ടികൾക്ക്​ ആശ്വാസമേകുന്ന 'ചിരി' പദ്ധതിയിലൂടെ പ്രതിരോധസന്ദേശം എത്തിക്കുന്നതിന്​ വഴികാട്ടിയായി. ഇതിനൊപ്പം മാപ്പിളപ്പാട്ട്, കവിതാലാപനം, കവിതയെഴുത്ത്, കഥപറയൽ തുടങ്ങിയ ഇനങ്ങളിൽ മുഴുകാനും സമയം ക​െണ്ടത്തി. പ്ലസ് വൺ വിദ്യാർഥിനിയായ സഹോദരി കൃഷ്ണശ്രീയുമായി ചേർന്ന് അക്ഷരശ്ലോകത്തിനായി 'കൃഷ്ണാമൃതം' യൂട്യൂബ് ചാനലും അമൃതയുടെ പേരിലുണ്ട്. തെള്ളിയൂർ മാവിലേത്ത്​ എം.കെ. വിനോദ്​കുമാറി​ൻെറയും തിരുവല്ല ഡി.ബി.എച്ച്​.എസ്​ അധ്യാപിക കുട്ടനാട് വെളിയനാട് ആറ്റുപുറത്ത്‌ ശ്രീലേഖ കുറുപ്പി​ൻെറയും മകളാണ്​. പി.എസ്​. താജുദ്ദീൻ AP51 amirthasree അമൃതശ്രീ വി. പിള്ള