കൊടിമരങ്ങൾ നശിപ്പിച്ചതായി പരാതി

ചെങ്ങന്നൂർ: തിരുവൻവണ്ടൂരിൽ സി.പി.എമ്മി​ൻെറയും പോഷക സംഘടനകളുടെയും വിശ്വഹിന്ദു പരിഷത്തി​ൻെറയും കൊടിമരങ്ങൾ നശിപ്പിക്കുന്നതായി ഇരുകൂട്ടർക്കും പരാതി. തദ്ദേശ തെരഞ്ഞെടുപ്പിനു മുമ്പായി സംഘർഷം സൃഷ്​ടിക്കാനും സി.പി.എം പ്രവർത്തകരെ ആക്രമിക്കാനുമുള്ള നീക്കമാണിതെന്ന്​ തിരുവൻവണ്ടൂർ ലോക്കൽ കമ്മിറ്റി സെക്രട്ടറി കെ.എസ്. ഷിജു പറഞ്ഞു. അംബീരേത്ത്പടിയിൽ സ്ഥാപിച്ച കൊടിമരം തകർത്തവർക്കെതിരെ നടപടി സ്വീകരിക്കണമെന്ന്​ വി.എച്ച്​.പിയും ആവശ്യപ്പെട്ടു.