Begin typing your search above and press return to search.
exit_to_app
exit_to_app
Posted On
date_range 26 Aug 2020 11:58 PM GMT Updated On
date_range 26 Aug 2020 11:58 PM GMTബ്ലോക്ക് പഞ്ചായത്തുകളിലെ ഓണച്ചന്തകൾക്ക് ഇന്ന് തുടക്കം
text_fieldsbookmark_border
-Bആലപ്പുഴ: -Bതൈക്കാട്ടുശ്ശേരി, പട്ടണക്കാട്, ചമ്പക്കുളം ബ്ലോക്ക് പഞ്ചായത്തുകളിലെ ഓണച്ചന്തകള് വ്യാഴാഴ്ച പ്രവർത്തനം ആരംഭിക്കും. തൈക്കാട്ടുശ്ശേരിയിൽ ആറിടത്താണ് ഓണച്ചന്ത. അരൂക്കുറ്റി, തൈക്കാട്ടുശ്ശേരി, പള്ളിപ്പുറം, പെരുമ്പളം ഗ്രാമപഞ്ചായത്തുകളിൽ ഒാരോന്നും പാണാവള്ളിയിൽ രണ്ട് സ്റ്റാളുമാണ് ഉണ്ടാകുക. 30വരെ പ്രവർത്തിക്കും. കര്ഷകര്ക്ക് വിപണി വിലയെക്കാള് പത്ത് ശതമാനം തുക അധികം നല്കിയാണ് പച്ചക്കറികള് ശേഖരിക്കുന്നത്. പൊതുജനങ്ങൾക്ക് 30 ശതമാനം വിലക്കുറവില് പച്ചക്കറികൾ വാങ്ങാനാകും. കര്ഷകരില്നിന്ന് പരമാവധി പച്ചക്കറികള് ശേഖരിച്ചിട്ടുണ്ട്. തദ്ദേശീയമായി ഉൽപാദിപ്പിക്കുന്ന ഇനങ്ങളാണ് കൂടുതൽ വിപണിയിലേക്ക് എത്തിക്കുന്നതെന്ന് കൃഷി അസി. ഡയറക്ടർ ടി.ബി. സിറാജുദ്ദീൻ അറിയിച്ചു. പട്ടണക്കാട് ബ്ലോക്ക് പരിധിയിൽ ആറു ഗ്രാമപഞ്ചായത്തിലായി ഒമ്പത് ചന്തകൾ പ്രവർത്തിക്കും. കുത്തിയതോട്, എഴുപുന്ന, പട്ടണക്കാട് രണ്ടുവീതം, അരൂർ, തുറവൂർ, വയലാർ ഓരോന്ന് എന്നിങ്ങെനയാണ് ഓണച്ചന്തകള് തയാറാകുന്നത്. ഉദ്യോഗസ്ഥർക്ക് കോവിഡ് സ്ഥിരീകരിച്ചതിനെ തുടർന്ന് കോടംതുരുത്ത് ഗ്രാമപഞ്ചായത്തിൽ ഓണച്ചന്തയില്ല. ബ്ലോക്കിനു കീഴില് ലഭിക്കാത്ത പച്ചക്കറി ഇനങ്ങള് ഹോര്ട്ടികോര്പ് സഹായത്തോടെ എത്തിക്കുന്നുണ്ടെന്ന് കൃഷി അസി. ഡയറക്ടര് റെയ്ച്ചൽ സോഫിയ അലക്സാണ്ടർ പറഞ്ഞു. ഉച്ചക്ക് രണ്ടിന് ചമ്പക്കുളം ബ്ലോക്കുതല ഉദ്ഘാടനം പ്രസിഡൻറ് ബിജു പാലത്തിങ്കൽ നിർവഹിക്കും. തലവടി, നെടുമുടി, എടത്വ, കൈനകരി എന്നിവടങ്ങളിൽ ഓരോ ചന്തയും ചമ്പക്കുളത്ത് കൃഷിഭവനിലും മങ്കൊമ്പ് ജങ്ഷനിലുമാണ് ഒന്ന് വീതം ചന്തയുമാണ് ഒരുക്കുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story