Begin typing your search above and press return to search.
exit_to_app
exit_to_app
Posted On
date_range 25 Aug 2020 11:58 PM GMT Updated On
date_range 25 Aug 2020 11:58 PM GMTഅരൂരിൽ കൂട്ടിയിടി; നാല് ലോറികൾ അപകടത്തിൽ
text_fieldsbookmark_border
അരൂർ: ദേശീയപാതയിൽ അരൂർ ക്ഷേത്രം കവലയിൽ ലോറികൾ ഒന്നിനുപിറകെ ഒന്നായി കൂട്ടിയിടിച്ചു. ഒരു ലോറിയിൽ ഉണ്ടായിരുന്ന പാമോയിൽ റോഡിൽ ഒഴുകി. ചൊവ്വാഴ്ച പുലർച്ച ആയിരുന്നു അപകടം. അരൂരിലെ അഗ്നിരക്ഷാസേനയും അരൂർ പൊലീസും രക്ഷാപ്രവർത്തനം നടത്തവെയാണ് നാലാമത്തെ ലോറി മറ്റൊരു ലോറിയുടെ പിന്നിൽ ഇടിച്ചത്. പാമോയിൽ കയറ്റിയ ലോറിയുടെ ഡ്രൈവർ രാജീവനെ അഗ്നിരക്ഷാസേന കാബിൻ വെട്ടിപ്പൊളിച്ചാണ് പുറത്തെടുത്തത്. കൊച്ചിയിലെ സ്വകാര്യ ആശുപത്രിയിലേക്ക് മാറ്റി. ലോറികളുടെ മുൻഭാഗത്തെ ചില്ലുകൾ പൊട്ടിച്ചിതറി റോഡിൽ വീഴുകയും പാമോയിൽ ഒഴുകുകയും ചെയ്തതോടെ ഒരുമണിക്കൂർ ഗതാഗതം സ്തംഭിച്ചു. അരൂർ അഗ്നിരക്ഷാസേന ഓഫിസർ ആർ. ബാബുവിൻെറ നേതൃത്വത്തിൽ സേനാംഗങ്ങൾ വെള്ളം പമ്പ് ചെയ്ത ശേഷം മെറ്റൽപൊടി റോഡിൽ വിതറി. റോഡിലെ എണ്ണമയം ഇല്ലാതാക്കി. പടം AP65 Accident അരൂരിൽ ലോറികൾ ഒന്നിനു പിറകെ ഒന്നായി ഇടിച്ചുണ്ടായ അപകടം
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story