Begin typing your search above and press return to search.
exit_to_app
exit_to_app
Posted On
date_range 13 Aug 2020 11:58 PM GMT Updated On
date_range 13 Aug 2020 11:58 PM GMTഓടനാവട്ടം വില്ലേജ് ഓഫിസിന് സമീപം മാലിന്യം തള്ളൽ
text_fieldsbookmark_border
(ചിത്രം) ഓയൂർ: ഓടനാവട്ടം വില്ലേജ് ഓഫിസിന് സമീപം മാലിന്യം തള്ളുന്നത് പതിവാകുന്നു. ഓഫിസിലും എതിരംകോട്ട് കാവിന് സമീപത്തുമാണ് മാലിന്യം തള്ളുന്നത്. പ്ലാസ്റ്റിക് മാലിന്യം ചാക്കിൽ കെട്ടി നടുറോഡിൽവരെ നിക്ഷേപിക്കുന്നു. കടകളിലും സർക്കാർ സ്ഥാപനങ്ങളിലും പോകുന്നവർ മൂക്കുപൊത്തിവേണം നടക്കാൻ. ഓടനാവട്ടം ജങ്ഷന് അര കിലോമീറ്റർ ചുറ്റളവിലാണിത്. പൂയപ്പള്ളി പൊലീസ് മേഖലയിൽ രാത്രികാല പട്രോളിങ് ശക്തമാക്കണമെന്ന് നാട്ടുകാർ ആവശ്യപ്പെട്ടു. സമ്പർക്കവ്യാപനമില്ല; ആശങ്ക വേണ്ട ഓയൂർ: കളപ്പില, മാരൂർ വാർഡുകളിൽ നിലവിൽ സമ്പർക്കവ്യാപനമില്ലെന്നും ആശങ്ക വേണ്ടെന്നും പൊലീസ്. ചൊവ്വാഴ്ചയാണ് രണ്ടുപേർക്ക് ഉറവിടം അറിയാത്ത കോവിഡ് പോസിറ്റിവ് കേസുകൾ റിപ്പോർട്ട് ചെയ്തത്. മാരൂർ സ്വദേശിയായ ഓട്ടോ ഡ്രൈവറുടെ സമ്പർക്കപട്ടിക വിപുലമായിരുന്നു. ഇയാൾ അടുത്ത് ഇടപഴകിയവരുടെ ആദ്യഘട്ട സമ്പർക്കപട്ടികയിലെ േകാവിഡ് ടെസ്റ്റുകൾ എല്ലാം നെഗറ്റിവാണ്. പൂയപ്പള്ളി പൊലീസ് വാർഡിലെ ഇടവഴികൾ അടച്ചിരിക്കുകയാണ്. കളിപ്പില വാർഡിൽ സ്ത്രീക്കാണ് കോവിഡ് സ്ഥിരീകരിച്ചത്. ഇവരുമായി സമ്പർക്കത്തിൽ വന്നവരുടെ സ്രവപരിശോധന നടന്നുവരുകയാണ്. ഈ വാർഡും പൊലീസിൻെറ കർശനനിയന്ത്രണത്തിലാണ്. മേഖലയിലുള്ളവർ അനാവശ്യമായി പുറത്തിറങ്ങിയാൽ നടപടി ഉണ്ടാകുമെന്ന് അധികൃതർ അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story