ചുവന്ന പഞ്ചായത്തുകളും എൽ.ഡി.എഫിനെ കൈവിട്ടു; ജെയ്​ക്കിന്​ ലീഡ്​ ഒറ്റ ബൂത്തിൽ മാത്രം

കോ​ട്ട​യം: ജീ​വി​ച്ചി​രു​ന്ന​തി​നെ​ക്കാ​ൾ ശ​ക്ത​നാ​ണ്​ മ​രി​ച്ച ഉ​മ്മ​ൻ ചാ​ണ്ടി​യെ​ന്ന​ കോ​ൺ​ഗ്ര​സ്​ ആ​ത്മ​വി​ശ്വാ​സ​ത്തി​നൊ​പ്പം പു​തു​പ്പ​ള്ളി ചേ​ർ​ന്നു​നി​ന്ന​പ്പോ​ൾ, ചു​വ​ന്ന പ​ഞ്ചാ​യ​ത്തു​ക​ളും എ​ൽ.​ഡി.​എ​ഫി​നെ കൈ​വി​ട്ടു. പു​തു​പ്പ​ള്ളി മ​ണ്ഡ​ല​ത്തി​ലെ ഏ​ട്ടി​ൽ ആ​റ്​ പ​ഞ്ചാ​യ​ത്തു​ക​ളും ത​ങ്ങ​ളു​ടെ ഭ​ര​ണ​ത്തി​ലാ​ണെ​ന്ന​താ​ണ്​ ‘പു​തി​യ പു​തു​പ്പ​ള്ളി’​യെ​ന്ന പ്ര​ചാ​ര​ണ​ത്തി​ന്​ എ​ൽ.​ഡി.​എ​ഫ്​ ക​രു​ത്താ​യ​ത്. എ​ന്നാ​ൽ, എ​ട്ട്​ പ​ഞ്ചാ​യ​ത്തി​ലും ഒ​പ്പം നി​ന്ന​ത്​ ചാ​ണ്ടി ഉ​മ്മ​നൊ​പ്പം.

ക​ഴി​ഞ്ഞ തെ​ര​ഞ്ഞെ​ടു​പ്പി​ൽ എ​ൽ.​ഡി.​എ​ഫി​ന്​ ഭൂ​രി​പ​ക്ഷം സ​മ്മാ​നി​ച്ച, ജെ​യ്ക്​ സി. ​തോ​മ​സി​ന്‍റെ ജ​ന്മ​നാ​ടു​കൂ​ടി​യാ​യ മ​ണ​ർ​കാ​ട്​ പ​ഞ്ചാ​യ​ത്തി​ൽ ഇ​ക്കു​റി വ​ലി​യ പ്ര​തീ​ക്ഷ​യാ​ണ്​ എ​ൽ.​ഡി.​എ​ഫ്​ പു​ല​ർ​ത്തി​യ​ത്. പ​ഞ്ചാ​യ​ത്തി​ലെ യാ​ക്കോ​ബാ​യ വോ​ട്ടു​ക​ൾ ല​ഭി​ക്കു​മെ​ന്നാ​യി​രു​ന്നു ക​ണ​ക്കു​കൂ​ട്ട​ൽ. എ​ന്നാ​ൽ, ഇ​ട​തു​പ​ക്ഷം ഭ​രി​ക്കു​ന്ന മ​ണ​ർ​കാ​ടും വ​ല​തി​ന്‍റെ കൈ​പി​ടി​ച്ചു. 2021ലെ ​തെ​ര​ഞ്ഞെ​ടു​പ്പി​ൽ 1213 വോ​ട്ടു​ക​ൾ​ക്കാ​യി​രു​ന്നു മ​ണ​ർ​കാ​ട്​ പ​ഞ്ചാ​യ​ത്തി​ൽ ഉ​മ്മ​ൻ ചാ​ണ്ടി പി​ന്നി​ലാ​യ​ത്. ജെ​യ്ക്​ 7643 വോ​ട്ടു​ക​ൾ​ നേ​ടി​യ​പ്പോ​ൾ ഉ​മ്മ​ൻ ചാ​ണ്ടി​ക്ക്​ 6430 വോ​ട്ടു​ക​ൾ മാ​ത്ര​മാ​ണ്​ നേ​ടാ​ൻ ക​ഴി​ഞ്ഞ​ത്. എ​ന്നാ​ൽ, ഇ​ത്ത​വ​ണ മാ​റി ചി​ന്തി​ച്ച മ​ണ​ർ​കാ​ട്​ 3716 വോ​ട്ടു​ക​ളു​ടെ ഭൂ​രി​പ​ക്ഷ​മാ​ണ്​ ചാ​ണ്ടി ഉ​മ്മ​ന്​ സ​മ്മാ​നി​ച്ച​ത്. ചാ​ണ്ടി ഉ​മ്മ​ന്‍ 9095 വോ​ട്ടു​ക​ൾ നേ​ടി​യ​പ്പോ​ൾ ജെ​യ്ക് സി. ​തോ​മ​സി​ന് ല​ഭി​ച്ച​ത്​​​ 5379 എ​ണ്ണം മാ​ത്രം. സ്വ​ന്തം​ത​ട്ട​ക​ത്തി​ൽ​ ചാ​ണ്ടി​യു​ടെ ലീ​ഡ്​ കു​റ​ക്കാ​ൻ ക​ഴി​യാ​തി​രു​ന്ന​ത്​​ വ്യ​ക്തി​പ​ര​മാ​യ ജെ​യ്ക്കി​നും ക്ഷീ​ണ​മാ​കു​മെ​ന്നാ​ണ്​ വി​ല​യി​രു​ത്ത​ൽ.

സി.​പി.​എം പ്ര​തീ​ക്ഷ പു​ല​ർ​ത്തി​യ പാ​മ്പാ​ടി​യി​ലും ക​ന​ത്ത തി​രി​ച്ച​ടി​യു​ണ്ടാ​യി. ക​ഴി​ഞ്ഞ തെ​ര​ഞ്ഞെ​ടു​പ്പി​ൽ ഉ​മ്മ​ൻ ചാ​ണ്ടി​യു​ടെ ഭൂ​രി​പ​ക്ഷം 342 വോ​ട്ടു​ക​ളാ​യി കു​റ​ഞ്ഞ പാ​മ്പാ​ടി ഇ​ത്ത​വ​ണ വ​മ്പ​ൻ ഭൂ​രി​പ​ക്ഷ​മാ​ണ്​ യു.​ഡി.​എ​ഫി​ന്​ സ​മ്മാ​നി​ച്ച​ത്​; 5361 വോ​ട്ടു​ക​ൾ. യാ​ക്കോ​ബാ​യ വി​ഭാ​ഗ​ത്തി​ന്​ ​സ്വാ​ധീ​ന​മു​ള്ള സ്വ​ന്തം പ​ഞ്ചാ​യ​ത്തി​ൽ ഇ​ത്ര​യും വ​ലി​യൊ​രു തി​രി​ച്ച​ടി സി.​പി.​എം ​പ്ര​തീ​ക്ഷി​ച്ചി​രു​ന്നി​ല്ല.

എ​ൽ.​ഡി.​എ​ഫ്​ ഭ​രി​ക്കു​ന്ന പു​തു​പ്പ​ള്ളി പ​ഞ്ചാ​യ​ത്തി​ലാ​ണ്​ ചാ​ണ്ടി ഉ​മ്മ​ന്​ ഏ​റ്റ​വും കൂ​ടു​ത​ൽ ഭൂ​രി​പ​ക്ഷം ല​ഭി​ച്ച​ത്​. ഉ​മ്മ​ൻ ചാ​ണ്ടി​യു​ടെ ത​ട്ട​കം കൂ​ടി​യാ​യ പു​തു​പ്പ​ള്ളി​യി​ൽ 5830 വോ​ട്ടാ​ണ്​ ചാ​ണ്ടി​യു​ടെ ഭൂ​രി​പ​ക്ഷം. ക​ഴി​ഞ്ഞ ത​വ​ണ ഇ​വി​ടെ 2399 വോ​ട്ടു​ക​ളു​ടെ ഭൂ​രി​പ​ക്ഷം മാ​ത്ര​മാ​യി​രു​ന്നു ഉ​മ്മ​ൻ ചാ​ണ്ടി​ക്ക്​ ല​ഭി​ച്ച​ത്.

വാ​ക​ത്താ​നം -5425 (ക​​ഴി​ഞ്ഞ​ത​വ​ണ 1669), കൂ​രോ​പ്പ​ട -4364 (1081), അ​ക​ല​കു​ന്നം -​4151(1881) എ​ന്നി​ങ്ങ​നെ​യാ​ണ്​ എ​ൽ.​ഡി.​എ​ഫ്​ ഭ​രി​ക്കു​ന്ന മ​റ്റ്​ പ​ഞ്ചാ​യ​ത്തു​ക​ളി​ലെ യു.​ഡി.​എ​ഫ്​ ഭൂ​രി​പ​ക്ഷം. കേ​ര​ള കോ​ൺ​ഗ്ര​സ്​ എ​മ്മി​ന്​ സ്വാ​ധീ​ന​മു​ള്ള അ​ക​ല​കു​ന്ന​ത്തെ ചാ​ണ്ടി​യു​ടെ ഉ​യ​ർ​ന്ന ലീ​ഡ്​ ജോ​സ്​ കെ. ​മാ​ണി​ക്കും തി​രി​ച്ച​ടി​യാ​യി.

യു.​ഡി.​എ​ഫ്​ ഭ​രി​ക്കു​ന്ന അ​യ​ർ​ക്കു​ന്ന​വും കാ​ര്യ​മാ​യി ചാ​ണ്ടി​യെ പി​ന്തു​ണ​ച്ചു. ഇ​വി​ടെ 5487 വോ​ട്ടു​ക​ളാ​ണ് അ​ധി​ക​മാ​യി ല​ഭി​ച്ച​ത്. യു.​ഡി.​എ​ഫ്​ ഭ​ര​ണ​ത്തി​ലു​ള്ള മീ​ന​ട​ത്ത്​ 2333 വോ​ട്ടു​ക​ളാ​ണ്​ ഭൂ​രി​പ​ക്ഷം. സ​ഭാ​ത​ർ​ക്ക​ത്തെ തു​ട​ർ​ന്ന്​ ക​ഴി​ഞ്ഞ ത​വ​ണ കൈ​വി​ട്ട യാ​ക്കോ​ബാ​യ വോ​ട്ടു​ക​ൾ ഉ​മ്മ​ൻ ചാ​ണ്ടി​യെ​ന്ന വി​കാ​ര​ത്തി​നൊ​പ്പം യു.​ഡി.​എ​ഫി​ലേ​ക്ക്​ മ​ട​ങ്ങി​യെ​ത്തി​​​​യെ​ന്നാ​ണ്​ ​ വി​ല​യി​രു​ത്ത​ൽ.

ജെയ്​ക്കിന്​ ലീഡ്​ ഒറ്റ ബൂത്തിൽ മാത്രം

കോ​ട്ട​യം: എ​ൽ.​ഡി.​എ​ഫ്​ സ്ഥാ​നാ​ർ​ഥി ജെ​യ്ക്​​ സി. ​തോ​മ​സി​ന്​ സ്വ​ന്തം ബൂ​ത്തി​ൽ​പോ​ലും മു​ന്നേ​റ്റ​മു​ണ്ടാ​ക്കാ​നാ​യി​ല്ല. 2021ൽ ​ജെ​യ്ക്​​ 143 വോ​ട്ടി​ന്‍റെ ഭൂ​രി​പ​ക്ഷം നേ​ടി​യ ഇ​വി​ടെ ഇ​ത്ത​വ​ണ ചാ​ണ്ടി ഉ​മ്മ​ൻ 146 വോ​ട്ടി​നു മു​ന്നി​ലെ​ത്തി. സ്വ​ന്തം ത​ട്ട​ക​മാ​യ മ​ണ​ർ​കാ​ട്​ പ​ഞ്ചാ​യ​ത്തും ക​ഴി​ഞ്ഞ ത​വ​ണ ലീ​ഡ്​ ന​ൽ​കി​യ പാ​മ്പാ​ടി പ​ഞ്ചാ​യ​ത്തും ജെ​യ്ക്കി​നെ കൈ​വി​ട്ടു. പു​തു​പ്പ​ള്ളി മ​ണ്ഡ​ല​ത്തി​ൽ ഒ​രൊ​റ്റ ബൂ​ത്തി​ൽ മാ​ത്ര​മാ​ണ്​ ജെ​യ്ക്​​ മു​ന്നി​ലെ​ത്തി​യ​ത്. മീ​ന​ടം പ​ഞ്ചാ​യ​ത്തി​ലെ പു​തു​വ​യ​ൽ 153ാം ബൂ​ത്തി​ലാ​ണ്​​ ജെ​യ്ക്കി​ന്​ 15 വോ​ട്ടി​ന്‍റെ ലീ​ഡ്​ ല​ഭി​ച്ച​ത്. ഇ​വി​ടെ ജെ​യ്ക്​​​ 340 വോ​ട്ടും ചാ​ണ്ടി ഉ​മ്മ​ൻ 325 വോ​ട്ടും നേ​ടി. ബാ​ക്കി എ​ല്ലാ ബൂ​ത്തു​ക​ളി​ലും ചാ​ണ്ടി ഉ​മ്മ​നാ​ണ്​ ഒ​ന്നാ​മ​തെ​ത്തി​യ​ത്. മ​ന്ത്രി വി.​എ​ൻ. വാ​സ​വ​ന്‍റെ ബൂ​ത്തി​ലും ലീ​ഡ് ചാ​ണ്ടി ഉ​മ്മ​നാ​ണ്.

ജെ​യ്ക്കി​ന്‍റെ ബൂ​ത്താ​യ മ​ണ​ർ​കാ​ട്​ പ​ഞ്ചാ​യ​ത്തി​ലെ 72ൽ ​ക​ഴി​ഞ്ഞ ത​വ​ണ എ​ൽ.​ഡി.​എ​ഫ്, യു.​ഡി.​എ​ഫ്​ സ്ഥാ​നാ​ർ​ഥി​ക​ൾ നേ​ടി​യ വോ​ട്ടു​ക​ൾ വെ​ച്ചു​മാ​റി​യ അ​വ​സ്ഥ​യാ​ണ്​ ഇ​ത്ത​വ​ണ. 2021ൽ ​ഉ​മ്മ​ൻ ചാ​ണ്ടി നേ​ടി​യ​ത്​ 338 വോ​ട്ടാ​ണ്. അ​തേ എ​ണ്ണം ത​ന്നെ​ ഇ​ത്ത​വ​ണ ജെ​യ്ക്കി​ന്​ കി​ട്ടി. 2021ൽ ​ജെ​യ്ക്കി​ന്​ കി​ട്ടി​യ​ത്​ 481 വോ​ട്ടാ​ണ്. ഇ​ത്ത​വ​ണ ചാ​ണ്ടി ഉ​മ്മ​ന്​ ല​ഭി​ച്ച​താ​വ​ട്ടെ 484 വോ​ട്ടും. പോ​ളി​ങ്​ ​വൈ​കി​യ​തി​നെ​ച്ചൊ​ല്ലി​ ആ​​ക്ഷേ​പ​മു​യ​ർ​ന്ന മ​ണ​ർ​കാ​ട്​ ഗ​വ. എ​ൽ.​പി സ്കൂ​ളി​ലെ ബൂ​ത്തു​ക​ളി​ലൊ​ന്നാ​ണി​ത്.

ചാ​ണ്ടി ഉ​മ്മ​നും കു​ടും​ബ​വും വോ​ട്ടു​ചെ​യ്​​ത പു​തു​പ്പ​ള്ളി ജോ​ർ​ജി​യ​ൻ പ​ബ്ലി​ക്​ സ്കൂ​ളി​ലെ 126ാം ബൂ​ത്ത്​ ഇ​ത്ത​വ​ണ​യും യു.​ഡി.​എ​ഫി​നൊ​പ്പം നി​ന്നു. ചാ​ണ്ടി ഉ​മ്മ​ൻ 485 വോ​ട്ട്​ നേ​ടി​യ​പ്പോ​ൾ ജെ​യ്ക്കി​ന്​ കി​ട്ടി​യ​ത്​ 106 വോ​ട്ടു​മാ​ത്രം. 2021ൽ ​ഇ​വി​ടെ ഉ​മ്മ​ൻ ചാ​ണ്ടി 406ഉം ​ജെ​യ്ക്​ 142ഉം ​വോ​ട്ടാ​ണ്​ നേ​ടി​യ​ത്.

മ​ന്ത്രി വി.​എ​ൻ. വാ​സ​വ​ന്‍റെ പാ​മ്പാ​ടി പ​ഞ്ചാ​യ​ത്തി​ലെ 102ാം ബൂ​ത്തി​ൽ 471 വോ​ട്ട്​​ ചാ​ണ്ടി ഉ​മ്മ​ൻ നേ​ടി​യ​പ്പോ​ൾ ജെ​യ്ക്കി​ന്​ കി​ട്ടി​യ​ത്​ 230 വോ​ട്ടു​മാ​​ത്ര​മാ​ണ്. 2021ലും ​ഈ ബൂ​ത്തി​ൽ ജെ​യ്ക്കി​ന്​ ലീ​ഡു​ണ്ടാ​യി​രു​ന്നി​ല്ല. 289 വോ​ട്ട്​ ജെ​യ്ക്​ നേ​ടി​യ​പ്പോ​ൾ ഉ​മ്മ​ൻ ചാ​ണ്ടി 398 വോ​ട്ട്​ പി​ടി​ച്ചി​രു​ന്നു.

ഒ​റ്റ ബൂ​ത്തി​ൽ മാ​ത്ര​മാ​ണ്​ ജെ​യ്ക്കി​ന്‍റെ വോ​ട്ട്​ 400 ക​ട​ന്ന​ത്. പാ​മ്പാ​ടി പ​ഞ്ചാ​യ​ത്തി​ലെ 89ാം ബൂ​ത്തി​ൽ 449 വോ​ട്ടാ​ണ്​ നേ​ടി​യ​ത്. ഇ​താ​ണു ജെ​​യ്ക്കി​ന്‍റെ മ​ണ്ഡ​ല​ത്തി​ന്‍റെ ഉ​യ​ർ​ന്ന വോ​ട്ടും. കു​റ​ഞ്ഞ വോ​ട്ട്​ അ​ക​ല​ക്കു​ന്നം പ​ഞ്ചാ​യ​ത്തി​ലെ 44ാം ബൂ​ത്തി​ലും- 17.