കോവിഡ്: തൃശൂരിൽ മൂന്നു പേർ ആശുപത്രി വിട്ടു
text_fieldsതൃശൂർ: കോവിഡ് 19 വൈറസ് ബാധ ഭേദമായ മൂന്നു പേർ തൃശൂരിൽ ആശുപത്രി വിട്ടു. ഫ്രാൻസിൽനിന്ന് മടങ്ങിയെത്തിയ തൃശൂർ സ്വദേ ശികളും ദുബൈയിൽ നിന്നെത്തിയ ചാവക്കാട് സ്വദേശിയുമാണ് ഉച്ചക്ക് ചികിത്സ പൂർത്തിയാക്കി ഗവ. മെഡിക്കൽ കോളജ് ആശുപത്രിയിൽനിന്ന് ഇറങ്ങിയത്.
ഇനി ഇവർ വീടുകളിൽ നിരീക്ഷണത്തിൽ കഴിയും. ആശുപത്രി ജീവനക്കാർ ഇവരെ യാത്രക്കാക്കി. ഇനി ആറ് പേരാണ് ഇവിടെ ചികിത്സയിൽ കഴിയുന്നത്.
നേരത്തെ, വയനാട് ജില്ല ആശുപത്രിയിൽ കോവിഡ് ഐസ്വലേഷൻ വാർഡിൽ കഴിഞ്ഞിരുന്ന രണ്ടുപേർ വീടുകളിലേക്ക് മടങ്ങിയിരുന്നു. ദുബായിൽ നിന്നെത്തിയവരായിരുന്നു ഇവർ. രണ്ട് സാമ്പിളുകളും നെഗറ്റീവായതോടെയാണ് ഇരുവരുടെയും ചികിത്സ അവസാനിപ്പിച്ചത്. ഇനിയുള്ള 28 ദിവസം ഇരുവരും വീട്ടു നിരീക്ഷണത്തിൽ കഴിയും. ഉച്ചക്ക് 12 മണിയോടെ ജില്ല ആശുപത്രി പരിസരത്ത് ജീവനക്കാരും ഡോക്ടർമാരും കലക്ടർ ഡോ. അദീല അബ്ദുല്ലയും ജില്ല മെഡിക്കൽ ഓഫീസർ ഡോ. ആർ. രേണുകയും ഉൾപ്പെടെയുള്ളവർ എത്തിയാണ് ഇരുവരെയും യാത്രയാക്കിയത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.